[start:song]
1. Թանկագին րոպեներ է Աստված պարգևել.
Տեսնում ենք մեր քույր-եղբայրներին,
Եվ Հիսուսը մեզ հետ լինել է խոստացել,
Տանք մեր սրտերում տեղ Փրկչին։
2. Ի՜նչ հաճելի է ձեզ հետ Նրան խոնարհվել,
Աշխարհի հուզմունքներն մոռանալ,
Եվ ի՜նչ ուրախություն է Սուրբ Հոգով լցվել,
Երկինքն այս ժամին վայելել։
3. Մենք՝ Սիոնի ճամփորդներս ենք այստեղ հանգչում՝
Կենաց ջուր բխող աղբյուրի մոտ։
Թաբոր լեռն անցնելով՝ նոր ուժով կշարժվենք
Տիրոջ նեղ ճամփով քարքարոտ։
4. Քաղցր հանդիպման մեջ անտեսում ենք ահը
Եվ հսկա ժայռերը մեր ճամփի,
Զորացնում են մեզ մեր Աստծո խոսքերը,
Տանում վեր՝ դեպ նոր բարձունքի։
5. Տեր Հիսուսին հիմա ավելի մոտենանք,
Միշտ նայենք մեր կենդանի Վեմին,
Հավատքի վահանով և սիրո զրահով
Հետևենք Տիրոջ քայլերին։
[end:song]
[start:song]
Կօրհնենք Քեզ, Աստված,
Զի Փրկիչը եկավ,
Խաչին վրա մեռավ
Եվ վերն փառքով համբարձավ։
Ալելուիա՜, մեր Փրկիչը,
Ալելուիա՜, Ամեն,
Ալելուիա՜, Քուկդ է փառքը,
Սրբե մեզ նորեն։
Կօրհնենք Քեզ, Աստված,
Զի Հոգիդ ալ իջավ,
Մեզ Փրկիչը յայտնեց,
Եվ խավարն անցավ։
Ալելուիա՜, մեր Փրկիչը,
Ալելուիա՜, Ամեն,
Ալելուիա՜, Քուկդ է փառքը,
Սրբե մեզ նորեն։
Ոհ,մեզ արթընցուր
Եւ Հոգւովդ նորոգէ,
Ամէն սիրտ երկնաւոր
Եռանդովըդ վառէ:
Ալելուիա՜, մեր Փրկիչը,
Ալելուիա՜, Ամեն,
Ալելուիա՜, Քուկդ է փառքը,
Սրբե մեզ նորեն։
Միշտ փառք և գովեստ
Տանք զոհվուած Գառնուկին,
Որ մեր մեղքը ջնջեց
Ու ներեց դարձողին։
Ալելուիա՜, մեր Փրկիչը,
Ալելուիա՜, Ամեն,
Ալելուիա՜, Քուկդ է փառքը,
Սրբե մեզ նորեն։
[end:song]
[start:song]
1. Փորձություններ ամեն վայրկյան
Եթե սրտիս ծանրանան,
Նայեմ միշտ Քեզ, Տե՛ր, ու հիշեմ՝
Թեև ընկնեմ, պիտ կանգնեմ։
2. Թեև նեղություն պաշարի,
Հոգիս թող Քեզ որոնի,
Նայեմ միշտ խաչիդ ու հիշեմ`
Թեև ընկնեմ, պիտ կանգնեմ։
3. Թեև չարն ինձ վայր տապալի,
Հայացքս Քեզ թող փնտրի,
Նայեմ միշտ Քեզ, Տե՛ր, ու հիշեմ՝
Թեև ընկնեմ, պիտ կանգնեմ։
[end:song]
[start:song]
Երաժշտ.` Էլմ.513
1. Լուսո բլրան վրա կանգնած,
Ո՛վ զինվոր Քրիստոսի,
Օն, ե՛լ, պայքարդ մղե հառաջ,
Զի օրն շուտ վախճանի։
Մեր թշնամվույն ճակտին մղենք
Մեր զորությունն ուժգին,
Հավատքն է հաղթություն, գիտենք,
Որ հաղթե աշխարհին։
Հավատքն է հաղթություն, (2)
Ո՜հ, փառավոր հաղթություն,
Որ հաղթե աշխարհին։
2. Իր սերն է դրոշ՝ վեր մեր գլխուն,
Մեր սուրն՝ Տիրոջ պատգամն,
Քայլենք ճամփան այն սուրբերուն,
Որ հոս պայքարեցան։
Ինչպես անոնք, նման մրրկի,
Թշնամվույն խոյացան,
Նույն հավատքով մենք ալ պիտի
Հասնինք ստույգ հաղթության։
Հավատքն է հաղթություն, (2)
Ո՜հ, փառավոր հաղթություն,
Որ հաղթե աշխարհին։
3. Ան, որ հաղթող է թշնամվույն,
Ճերմակ զգեստ հագնի,
Ի մեջ սրբոց Իրեն անուն
Փառքով պիտ դավանի։
Ուստի, հառա՛ջ լուսո բլրեն,
Սրտեր՝ լեցուն սիրով,
Փախչին զորք խավարի ամեն
Հիսուսի անունով։
Հավատքն է հաղթություն, (2)
Ո՜հ, փառավոր հաղթություն,
Որ հաղթե աշխարհին։
[end:song]
[start:song]
1. Խռովել ու մոլորվել է գառնուկդ,
Բարի Հովիվ, փնտրի՛ր, գտի՛ր Դու նրան:
Վիրավոր է և ուժասպառ գառնուկդ,
Ո՜վ հարեհաս, հասի՛ր, բուժի՛ր Դու նրան:
2. Գայլի որջն է տանում գառան այդ ճամփան,
Փրկի՜չ Հիսուս, հասի՛ր, փրկի՛ր Դու նրան:
Խռովել է մի ոչխարից նա անբան,
Հոտը թողել ու բռնել է այդ ճամփան:
3. Խռովել է, էլ հետ դառնալ չի ուզում,
Ճահճի մեջ օրեօր է նա սուզվում:
Սոված գայլն է շրջում նրա բոլորը,
Այդ չի տեսնում խորասուզված մոլորը:
4. Մեկի համար Դու ողջ հոտը թողեցիր
Ու այն մեկի թարմ հետքերով գնացիր:
Այս մեկն էլ ճիշտ նման է այն մեկին,
Չէ՞ որ, Տե՛րս, նույնն ես անում ամենքին:
[end:song]
[start:song]
1. Եկե՛ք գովենք ու երգենք մեր Աստծուն,
Օրհնենք, փառաբանենք Տիրոջ սերն անհուն,
Սաղմոսներ ասենք քնարով, տավիղով,
Ով Հոգի ունի, թող օրհնի այս երգով։
Օրհնյալ ես, օրհնյալ, փառավոր Աստված`
Սիրով աննման, գթած, ողորմած:
Թագավորություն, փառք ու զորություն
Լինի Հորն ու Որդուն և Սուրբ Հոգուն։
2. Օրհնում ենք Քեզ, Տե՛ր, քանզի մեզ սիրեցիր,
Մեր փրկության համար Որդուդ զոհեցիր:
Նվագով, երգով, սաղմոսներ ասելով՝
Օրհնում ենք Քեզ` սուրբ ես, սուրբ ես, Թագավոր։
Օրհնյալ ես, օրհնյալ, փառավոր Աստված`
Սիրով աննման, գթած, ողորմած:
Թագավորություն, փառք ու զորություն
Լինի Հորն ու Որդուն և Սուրբ Հոգուն։
3. Ճշմարտությունով ու Հոգով պաշտեցեք
Աստծուն, ո՛վ սուրբեր, երկրպագեցե՛ք,
Շեփոր, թմբուկով, սաղմոսներ ասելով՝
Ով Հոգի ունի, թող օրհնի այս երգով։
Օրհնյալ ես, օրհնյալ, փառավոր Աստված`
Սիրով աննման, գթած, ողորմած:
Թագավորություն, փառք ու զորություն
Լինի Հորն ու Որդուն և Սուրբ Հոգուն։
[end:song]