Enter Song Lyrics

283

1. Իմ Փրկիչ սիրելի, խոսի՛ր, աղաչում եմ,

Քո խոսքի կարոտից երգում ու կանչում եմ:

Մի՛ լռիր, սիրելիս, իմ սիրտը հալչում է,

Ձայնի՛ր ինձ, կանչի՛ր ինձ, պատրույգս մարում է:

Կարոտ եմ Քո տեսքին,

Քո ձայնին, Քո խոսքին:

Ա՜խ, որքան եմ ուզում

Լինել միշտ Քո կողքին:

2. Առանց Քո սուրբ սիրո ինչպե՞ս եմ ապրելու,

Ինչպե՞ս եմ առանց ջուր աճելու, ծաղկելու:

Հոգիս իմ շուրթերից «Հիսո՜ւս» է կանչելու,

Իմ Աստվա՛ծ, մինչև ե՞րբ, որքա՞ն ես լռելու:

Կարոտ եմ Քո տեսքին,

Քո ձայնին, Քո խոսքին:

Ա՜խ, որքան եմ ուզում

Լինել միշտ Քո կողքին:

[end:song]

[start:song]

276

1. Խաչի վրա վերջին անգամ

Ինձ համար էլ աղոթեցիր,

Գամված ափիդ անունս գրվեց,

Արյանդ շիթը մեղքերս մաքրեց։

Ինչպե՞ս ապրեմ ես առանց Քեզ,

Ռաբբի, Ռաբբի, Ռաբբի,

Ինչպե՞ս ապրեմ ես առանց Քեզ,

Այդ Քո սերն է, որ գտավ մեզ (2):

2. Ծնողներս ինձ ատեցին,

Անվանդ համար հալածեցին,

Ընկած էի ծեծված, լքված,

Ցավիս դրիր ձեռքերդ խոցված։

Ինչպե՞ս ապրեմ ես առանց Քեզ,

Ռաբբի, Ռաբբի, Ռաբբի,

Ինչպե՞ս ապրեմ ես առանց Քեզ,

Այդ Քո սերն է, որ գտավ մեզ (2):

3. Հիմա մենակ, անօթևան

Քեզ եմ գալիս, ի՛մ Բարեկամ,

Ով ուզում է թող ինձ ատի,

Ես պիտ երգեմ՝ Հիսո՜ւս, արի՛։

Ինչպե՞ս ապրեմ ես առանց Քեզ,

Ռաբբի, Ռաբբի, Ռաբբի,

Ինչպե՞ս ապրեմ ես առանց Քեզ,

Այդ Քո սերն է, որ գտավ մեզ (2):

4. Խաչի ճամփան ուր էլ տանի,

Միայն լինեմ Քեզ արժանի,

Հոգիս տալիս Ռաբբի կանչեմ,

Խոցված ձեռքիդ վրա հանգչեմ։

Ինչպե՞ս ապրեմ ես առանց Քեզ,

Ռաբբի, Ռաբբի, Ռաբբի,

Ինչպե՞ս ապրեմ ես առանց Քեզ,

Այդ Քո սերն է, որ գտավ մեզ (2):

[end:song]

[start:song]

198

1. Գողգոթայի սարը ելա երազով,

Տեր Հիսուսի խաչին հասա մուրազով,

Տեսա՝ Տերս արյունոտ էր վերից վար,

Արնաթաթախ բաց վերքերը կերևար:

2. Այդ տեսնելով՝ չէի կարող համբերել,

Ոտքերն ընկա և սկսեցի համբուրել,

Փաթաթվելով՝ Տիրոջս այնպես փարվեցի,

Ինձ թվաց, թե Խաչյալի հետ ձուլվեցի:

3. Լույս սկսեց ճառագել իմ մարմինը,

Ինձ հեղել էր Տիրոջ քավիչ արյունը,

Հենց այդ պահից Տիրոջ սերը հասկացա,

Այդ սիրո մեջ հավերժ մնալ խոստացա:

4. Էլ ո՛չ ահ կար, ո՛չ էլ մահ կար ինձ համար,

Էլ ո՛չ ցավ կար, ո՛չ էլ տանջանք ինձ համար,

Հավերժական փրկությանը փաթաթված՝

Երկինքների երկնից էի նայում ցած:

[end:song]

[start:song]

60

Փորձանքներու մեջ անհամար

Եվ փուշերու մեջ սրածայր

Խորհուրդ մ’անուշ կ’անցնե մտքես,

Թե Դուն զիս կհիշես։

Դուն, Տեր, զիս կհիշես, (2)

Ալ ի՞նչ վախնամ, երբ

մոտ ես ինձ

Եվ, Տեր, զիս կհիշես։

Կյանքի հոգեր կուգան ուժգին՝

Մթագնելու տկար հոգին,

Կրնամ անոնց կուրծք պարզել ես,

Մինչ Դուն զիս կը յիշես։

Դուն, Տեր, զիս կհիշես, (2)

Ալ ի՞նչ վախնամ, երբ

մոտ ես ինձ

Եվ, Տեր, զիս կհիշես։

Թող մութ ամպեր գան ու երթան,

Դժվար կամ հարթ ըլլայ ճամփան,

Հոգ չեմ ըներ, վստահ եմ ես,

Որ դուն զիս կհիշես։

Դուն, Տեր, զիս կհիշես, (2)

Ալ ի՞նչ վախնամ, երբ

մոտ ես ինձ

Եվ, Տեր, զիս կհիշես։

[end:song]

[start:song]

272

1. Միայն Դու ես արժանի

Այս գիրքը վերցնելու

Ու նրա կնիքները բացելու,

Քանի որ Դու մորթվեցիր։

Ու մեզ արյունովդ գնեցիր

Աստծո համար (2)

Ամեն ցեղից, ամեն լեզվից,

Ժողովրդից ու ազգից։

2. Թագավորներ ենք մենք հիմա,

Հիմա մենք քահանաներ ենք

Ու երկրի վրա կթագավորենք,

Քանի որ Դու մորթվեցիր։

Ու մեզ արյունովդ գնեցիր

Աստծո համար (2)

Ամեն ցեղից, ամեն լեզվից,

Ժողովրդից ու ազգից։

[end:song]

[start:song]

504

1. Տոն է ցնծության,

Եկե՛ք մենք երգենք,

Սաղմոս ասենք Տիրոջ համար:

Փառաբանենք և օրհնելով

Երգենք նոր երգեր։

Ալելուիա՜։ (6)

2. Փառք Տեր Հիսուսին,

Մեր կյանքի հույսին,

Սաղմոս երգենք Տիրոջ համար:

Փառաբանենք և օրհնելով

Երգենք նոր երգեր։

Ալելուիա՜։ (6)

[end:song]