[start:song]
1. Քրիստոսը մեզ կանչում է փրկության
Եվ հավիտենական խաղաղության,
Ի՞նչ ես դանդաղում վերջին օրերում,
Դու՝ խեղճ պանդուխտ այս մեղքի աշխարհում։
2. Նա քեզանից ոչինչ չի պահանջում,
Այլ կորստից քեզ փրկել է ուզում,
Մի՛ մերժիր այդ սիրո հրավերը,
Հիսուսի առջև բացի՛ր քո սիրտը։
3. Այստեղ թշնամին մարդկային հոգու
Ուզում է, որ դու ապրես խավարում,
Բայց դեռ վառվում է փրկության լույսը,
Քեզ է կանչում հավիտենությունը։
4. Գուցե հաճախ ինքդ էլ ես հասկանում,
Որ մեղքի կյանքն է քեզ ապականում,
Բայց դեռ անհոգության մեջ քնած ես
Եվ կործանման մասին մոռացել ես։
5. Ժամանակը դեռ քեզ է սպասում,
Եվ Աստված քեզ փրկության է կանչում,
Ի՞նչ ես մտածում այս սուղ օրերում
Դո՛ւ, խեղճ պանդուխտ այս մեղքի աշխարհում։
[end:song]
[start:song]
1. Փրկչին եկե՛ք, ո՜հ, մի՛ ուշանաք,
Բաց է ճամփան, սուղ է ժամանակ։
Մեր մէջ կանգնած` ձայնով քաղցրալուր
Կ’ըսէ. - «Ինծի եկո՛ւր»։
Օ՜, ի՜նչ քաղցր պիտի ըլլայ հըրճուանք,
Երբ, Փրկիչ, Քեզի հետ միանանք
Եվ վայելենք դեմքիդ լոյսն անշէջ
Մեր երկնային տան մէջ։
2. Ան Իր հրաւերն կուղղէ ամենուն,
Իր գութն անբաւ է և սէրն՝ անհուն։
Զայն մեր ընտրեալ Փրկիչն անուանենք,
Մի՛ վարանիք, եկէ՛ք։
Օ՜, ի՜նչ քաղցր պիտի ըլլայ հըրճուանք,
Երբ, Փրկիչ, Քեզի հետ միանանք
Եվ վայելենք դեմքիդ լոյսն անշէջ
Մեր երկնային տան մէջ։
3. Նա մեր մօտն է այսօր մանաւանդ,
Անսանք ձայնին, ըլլանք հնազանդ։
Մենք ալ կրկնենք հրաւերն սիրալուր,
Տէրն կը կանչէ. «Եկո՛ւր»։
Օ՜, ի՜նչ քաղցր պիտի ըլլայ հըրճուանք,
Երբ, Փրկիչ, Քեզի հետ միանանք
Եվ վայելենք դեմքիդ լոյսն անշէջ
Մեր երկնային տան մէջ։
[end:song]
[start:song]
1. Հիսո՛ւս, սիրում ենք Քեզ,
Քեզ ենք գոհություն տալիս,
Միայն Դու ես արժանի
Երկրպագության, մեր Տեր։
Հիսո՛ւս, փառքի ես արժանի,
Գահին նստած
Մեծ Աստված հավիտյան։
Ձայն ենք բարձրացնում,
Մեծարում ենք անունը միշտ Քո,
Արքաների Արքա, Էմմանուէլ։
1. Ես սիրում եմ քեզ սիրով Հիսուսի, (2)
Ես սիրում եմ քեզ սիրով,
Երկնային անմար սիրով,
Ես սիրում եմ քեզ սիրով Հիսուսի։
2. Ես սիրում եմ քեզ սիրով Հիսուսի, (2)
Աչքերիդ մեջ տեսնում եմ
Սերը աստվածային,
Ես սիրում եմ քեզ սիրով Հիսուսի։
Հիսո՛ւս, փառքի ես արժանի,
Գահին նստած
Մեծ Աստված հավիտյան։
Ձայն ենք բարձրացնում,
Մեծարում ենք անունը միշտ Քո,
Արքաների Արքա, Էմմանուէլ։
[end:song]
[start:song]
1. Կյանքս Քեզ եմ ընծայում,
Հիսո՛ւս, Քեզ եմ նվիրում,
Կյանքս Դու Ինքդ ես պահել
Եվ դեպի երկինք ուղղել։
Կյանքս, իմը չէ այն,
Քոնն է միշտ, հավիտյան,
Այն Դու ես ինձ տվել,
Որ միշտ Քեզ փառաբանեմ։
2. Սատանան այս աշխարհում
Ինձ հրապուրել է ուզում,
Որ ես իրեն ծառայեմ
Եվ մեղքերի մեջ ապրեմ:
Բայց ես խնդրում եմ Քեզ,
Որ Դու իմ մեջ ապրես
Եվ այդ պատերազմում
Ինքդ տաս ինձ հաղթություն:
3. Մաքուր եմ ուզում ապրել
Եվ բոլորին էլ սիրել,
Մեղքից, չարից հրաժարվել
Եվ Քո մասին մտածել։
Օ՜, իմ Տեր և Աստված,
Օգնի՛ր ինձ հասկանալ
Քո անսահման սերը
Եվ նրա մեջ իմ ապրելը։
4. Շուտով փառքով կգաս Դու,
Կվերցնես եկեղեցուն,
Ինձ էլ պատրաստի՛ր, որ ես
Արժանի լինեմ, Տե՛ր, Քեզ։
Հավետ Քեզ հետ լինեմ
Եվ այնտեղ ես տեսնեմ
Այն ամենը, որ Դու
Խոստացել ես ինձ տալու։
[end:song]
[start:song]
1. Թե մեղավոր կզգաս քեզի,
Հիսուս կներե,
Թե վերք ունիս սրտիդ վրա,
Հիսուս կամոքե։
Հիսուս ըսավ. «Ինձի եկե՛ք,
Ես ձեր Փրկիչն եմ»։
Ըսե. «Հիսո՛ւս, Քեզի կուգամ,
Օրհնե, կաղաչեմ»։
2. Հիսուս կցրե խավարդ,
Եվ դուն կտեսնիս,
Հիսուս կուտա քեզ Սուրբ Հոգին,
Երբ դուն փափագիս։
Հիսուս ըսավ. «Ինձի եկե՛ք,
Ես ձեր Փրկիչն եմ»։
Ըսե. «Հիսո՛ւս, Քեզի կուգամ,
Օրհնե, կաղաչեմ»։
[end:song]
[start:song]
1.Քրիստոսն է ժայռը Քորեբի, որ կբխե,
Կենդանի ջուր է, առողջարար` քեզ համար։ (2)
Եկուր խմե, մեղրեն ավելի քաղցր է Ան,
Հագեցուր անձդ, հագեցուր ամբողջ հոգիդ։
Քրիստոսն է ժայռը Քորեբի, որ կբխե,
Կենդանի ջուր է, առողջարար` քեզ համար։
2.Քրիստոսն է Գառը Մորիայի, որ մորթվեց,
Ճշմարիտ հավիտենական կյանքն է մարդկանց: (2)
Եկուր լվացվե Իր թափած սուրբ արյունով
Մաքրե Քու անձդ, մաքրե Քու ամբողջ հոգիդ:
Քրիստոսն է Գառը Մորիայի, որ մորթվեց,
Ճշմարիտ հավիտենական կյանքն է մարդկանց:
3.Քրիստոսն է Լույսը, որ ծագեց մեր սրտերում,
Հավերժական Արեգակը լուսապայծառ:(2)
Եկուր լուսավորվե մահացու խավարեն
Մաքրե քու անձդ, մաքրե քու ամբողջ հոգիդ:
Քրիստոսն է Լույսը, որ ծագեց մեր սրտերում,
Հավերժական Արեգակը լուսապայծառ: (2)
[end:song]