Enter Song Lyrics

662

1. Երբ մտնում եմ սրբարանը Քո,

Այնժամ սիրտն է իմ ասում.

«Ո՞վ ունեմ երկնքում ու երկրի վրա,

Քեզանից բացի ոչինչ չեմ ուզում»:

Տերն է իմ բաժինը (3), հավիտյան: (2)

2. Ու թե սիրտս ու մարմինս մաշվի,

Բայց հոգին իմ թող որ ասի.

«Տերն է սրտիս զորությունն ու բաժինը,

Թող Նրանով միշտ լցվի հոգիս»:

Տերն է իմ բաժինը (3), հավիտյան: (2)

3. Թող միշտ վայելի իմ հոգին Քեզի

Եվ Քեզ սիրելով՝ անընդմեջ ասի.

«Բարի է, ո՛վ Տեր, մոտենալ Քեզի,

Հույսս Քեզ վրա միշտ պիտի լինի»:

Տերն է իմ բաժինը (3), հավիտյան: (2)

[end:song]

[start:song]

223

1. Եթե հոգնել ես ճանապարհին,

Դժվար է թվում խաչը կյանքի,

Վերադարձի՛ր կրծքին Հիսուսի,

Նա կասի խոսքեր, իսկ դու հիշի՛ր.

«Իմ կողմից է եղել, սիրելի՛ Իմ զավակ,

Այդ Ես եմ պատրաստել

Ճանապարհ քեզ համար:

Դե գնա՛, կյանքն անցի՛ր,

Ցավի մեջ գոհացի՛ր

Եվ սիրի՛ր Հիսուսին,

Ասա` Դու կաս»։

2. Եթե հոգսերն են գերի վերցրել,

Մարմնիդ ցավը հոգիդ է գերել,

Կամ հալածանք ես կրում դու անմեղ,

Նա կասի խոսքեր, փորձիր պահել։

«Իմ կողմից է եղել, սիրելի՛ Իմ զավակ,

Այդ Ես եմ պատրաստել

Ճանապարհ քեզ համար:

Դե գնա՛, կյանքն անցի՛ր,

Ցավի մեջ գոհացի՛ր

Եվ սիրի՛ր Հիսուսին,

Ասա` Դու կաս»։

3. Թե բարեկամդ քեզ չհասկանա,

Չցուցաբերի Տիրոջ սերը նա,

Ի՞նչ ես նայում մարդուն դու անճար,

Նա կասի խոսքեր հոգուդ համար։

«Իմ կողմից է եղել, սիրելի՛ Իմ զավակ,

Այդ Ես եմ պատրաստել

Ճանապարհ քեզ համար:

Դե գնա՛, կյանքն անցի՛ր,

Ցավի մեջ գոհացի՛ր

Եվ սիրի՛ր Հիսուսին,

Ասա` Դու կաս»։

[end:song]

[start:song]

325

1. Երկինքը Աստծո փառքը կպատմե,

Արև, աստղեր կխոսեն Իր մասին,

Աստված Իր խոսքը մեզի կհայտնե,

Ինչպես հայտնվեց լույսը խավարում։

Չկա զրույց, չկան նաև խոսքեր,

Բայց երկիրը լեցուն է Իր խոսքով,

Արդյո՞ք պատրաստ են այսօր ձեր սրտերն`

Ընդունելու Արարչի մեծ փառքը։

2. Երկիրը Իր զորությունով շինեց,

Աշխարհը իմաստությունով հիմնեց,

Ամեն ինչ ուղղության մեջ Նա դրեց,

Բայց մարդը Աստծուց հրաժարվեց։

Հաշտվի՛ր այսօր, ո՛վ սիրտ դու մարդկային,

Միջնորդ է քեզ Որդին աստվածային,

Նա քեզ համար խաչափայտին գամվեց,

Հաշտվի՛ր, քանի ժամանակ է տվել։

3. Նոր երգ երգենք Աստծո մեծ փառքին`

Հոժարակամ խոնարհվելով Խոսքին,

Ոչ միայն գեղեցիկ, լավ խոսքերով,

Թող փառավորվի Աստված մեր կյանքով։

Բաժին ունենք այսօր մենք Հիսուսից,

Հաղորդ եղանք աստվածային լույսին,

Ուրախությամբ, երանությամբ լեցուն

Փառավորենք Հիսուսի սուրբ անունն։

[end:song]

[start:song]

309

1. Ելնեմ ճամփա՝ ցուպը ձեռքիս,

Ուրանամ իմ փափուկ անձս:

Ավետարանն առնեմ, գնամ,

Տիրոջ գործում չծուլանամ:

Պատերազմս պատերազմեմ ու հաղթեմ,

Տեր Հիսուսից կենաց պսակս առնեմ:

2. Թող հեշտ թվա դժվար ճամփաս,

Տե՜ր, ուզում եմ նմանվել Քեզ:

Օտարական թեկուզ լինեմ,

Միայն, ի՛մ Տեր, Քեզ ճանաչեմ:

Պատերազմս պատերազմեմ ու հաղթեմ,

Տեր Հիսուսից կենաց պսակս առնեմ:

3. Վրանի տակ նույնիսկ ապրեմ՝

Հյուրընկալող զավակ լինեմ,

Վիրավորի վերքը կապեմ

Ու Քեզ սիրով փառաբանեմ:

Պատերազմս պատերազմեմ ու հաղթեմ,

Տեր Հիսուսից կենաց պսակս առնեմ:

4. Ծարավ մարդուն ջրիցդ տամ

Ու հոգնաբեկ Քո գիրկը գամ,

Հանգչեմ ոտքիդ շուքի ներքո,

Երջանիկ եմ, զավակն եմ Քո:

Պատերազմս պատերազմեմ ու հաղթեմ,

Տեր Հիսուսից կենաց պսակս առնեմ:

[end:song]

[start:song]

307

1. Քայլում էի տխուր անապատի մեջ,

Ծարավն էր տանջում անվերջ ու անվերջ,

Ձեռքերս պարզած, անուժ ու լացով

Խնդրեցի. «Աստվա՜ծ, կյա՛նք տուր Քո ջրով»։

Աղբյուր բացվեց, ջուրը խմեցի,

Կյանք ստացած՝ աչքերս բացեցի,

Տեսա Հիսուսին՝ ժպիտը դեմքին,

Կորած գառն էր տանում Իր ուսին։

2. Ձեռքիցս բռնած` անապատն անցանք,

Ներեց Հիսուսս չարություն, հանցանք:

Արցունքն աչքերիս, ոտքերին փարված`

Գոչեցի լացով. «Հիսո՜ւս, ի՛մ Աստված»։

Աղբյուր բացվեց, ջուրը խմեցի,

Կյանք ստացած՝ աչքերս բացեցի,

Տեսա Հիսուսին՝ ժպիտը դեմքին,

Կորած գառն էր տանում Իր ուսին։

3. Հիսուսն էր գնում, ես էլ՝ ետևից,

Նա ինձ փրկել էր չոր անապատից,

Գնում էի Նրա լույս ճանապարհով

Ու ինձ զգում էի հարուստ, ապահով։

Աղբյուր բացվեց, ջուրը խմեցի,

Կյանք ստացած՝ աչքերս բացեցի,

Տեսա Հիսուսին՝ ժպիտը դեմքին,

Կորած գառն էր տանում Իր ուսին։

4. Ու խոսեց Տերս. «Ես եմ լույս-կյանքը,

Ճշմարտությունը ու ճանապարհը։

Խաղաղություն Ես գառներիս կտամ,

Շատ շուտով նրանց ետևից կգամ»։

Աղբյուր բացվեց, ջուրը խմեցի,

Կյանք ստացած՝ աչքերս բացեցի,

Տեսա Հիսուսին՝ ժպիտը դեմքին,

Կորած գառն էր տանում Իր ուսին։

[end:song]

[start:song]

411

1. Ահա մենք եկել ենք առջևդ, Տե՛ր Հիսուս,

Եկել ենք հանդիպելու Քեզ,

Ուզում ենք, Հիսուս, որ մեր մեջ լինես,

Սիրով ենք հիմա սպասում Քեզ:

Օրհնի՜ր մեզ, օրհնյալ Տեր Հիսուս սիրելի,

Օրհնի՜ր մեզ, Արարիչ Հզոր։

2. Տե՛ր, մինչև մեզ չօրհնես, չենք թողնի, չենք գնա,

Կարիքդ ունենք, Տե՛ր Հիսուս,

Ուզում ենք, Հիսո՛ւս, որ մեր մեջ երևաս,

Զորությամբ մեր մեջ հայտնվես։

Օրհնի՜ր մեզ, օրհնյալ Տեր Հիսուս սիրելի,

Օրհնի՜ր մեզ, Արարիչ Հզոր։

3. Հավատքով ենք եկել, հավատում ենք՝ կառնենք,

Կստանանք օրհնություն Քեզանից.

Ծարավով ենք եկել, տո՛ւր մեզ առատորեն

Օրհնության Կենաց աղբյուրից։

Օրհնի՜ր մեզ, օրհնյալ Տեր Հիսուս սիրելի,

Օրհնի՜ր մեզ, Արարիչ Հզոր։

[end:song]