Enter Song Lyrics

225

1. Դու այնպես սիրեցիր աշխարհը,

Որ մինչև Միածինդ տվիր,

Որ ով որ հավատա՝ չկորսվի,

Այլ հավիտենապես նա ապրի։

Ողորմեա՜ (3),

Տե՜ր Հիսուս, գթության Աստվա՛ծ։

2. Տեսնում եմ առջևս մի մեծ խաչ,

Խաչյալն է նայում ինձ սիրալիր.

«Սիրելի՛ս, քեզ համար եմ խաչված,

Որ ապրես, ապրես դու հավիտյան»։

Ողորմեա՜ (3),

Տե՜ր Հիսուս, գթության Աստվա՛ծ։

3. «Եկե՛ք Ինձի, բոլոր հոգնածներ,

Եվ Ես ձեզի պիտի հանգչեցնեմ,

Եվ Ինձմե, և Ինձմե սորվեցե՛ք,

Որ հեզ եմ և սրտով խոնարհ»։

Ողորմեա՜ (3),

Տե՜ր Հիսուս, գթության Աստվա՛ծ։

[end:song]

[start:song]

154

1. Դու ինձ մոտ ես, քան ծովին իր ափը,

Դու ինձ թանկ ես, քան մայրն՝ իր որդուն,

Դու եկար, որ քաղցրացնես իմ դառը,

Դու եկար, որ տանես ինձ Աստծուն։

Առանց Քեզ իմ կյանքն էլ ինձ պետք չէ,

Առանց Քեզ միայն մեղք եմ գործում,

Դու ես միայն ուրախությունն իմ հոգու,

Եղի՛ր միշտ ինձ հետ, Քեզ եմ խնդրում։

2. Երբ Աստված այցելում է աշխարհին,

Որ նրա ձեռքից ազատի ինձ,

Այնժամ Քեզ եմ տեսնում միշտ իմ առջևում,

Եվ իմ հոգին փարվում է Քեզ։

Առանց Քեզ իմ կյանքն էլ ինձ պետք չէ,

Առանց Քեզ միայն մեղք եմ գործում,

Դու ես միայն ուրախությունն իմ հոգու,

Եղի՛ր միշտ ինձ հետ, Քեզ եմ խնդրում։

3. Եվ հիմա Քո հավատքով կենդանի

Ապրում եմ ես այս երկրի վրա,

Դու ինձ մոտ ես, քան ավազը՝ ծովափին

Եվ թանկ ես, քան ջուրը՝ այրվողին։

Առանց Քեզ իմ կյանքն էլ ինձ պետք չէ,

Առանց Քեզ միայն մեղք եմ գործում,

Դու ես միայն ուրախությունն իմ հոգու,

Եղի՛ր միշտ ինձ հետ, Քեզ եմ խնդրում։

[end:song]

[start:song]

680

Արթնացա մի օր Քո իսկ պարգևած արևի շողից

Ու հանդիպեցի ինձ մահի տանող ահեղ փորձության,

Բայց բարի սիրտդ, հոգատար ձեռքդ խղճաց ինձ վերից

Եվ փայփայելով ու մեղմ շոյելով` տարավ փրկության:

Այդքանից հետո էլ ո՞ւր գնամ ես, Հա՛յր իմ գթառատ,

Եվ արցունքներով ինչպե՞ս չլվամ վերքը ոտքերիդ,

Աղաչում եմ Քեզ, ինձ մի՛ թույլատրիր կյանք շքեղ, առատ,

Եթե մարմինս նորից կդառնա տաճար կուռքերի:

Այդ օրից ի վեր մի փափագ ունեմ, Փրկի՛չ, սիրելի՛ս,

Հասնեմ Գողգոթա, ծնկաչոք փարվեմ ոտքերիդ գամված

Հայացքս ուղղեմ տառապած դեմքիդ, Հիսո՛ւս, սիրելի՛ս,

Ու Քո մեջ տեսնեմ նվաստիս անձը՝ մեղքից ազատված:

Այդքանից հետո էլ ո՞ւր գնամ ես, Հա՛յր իմ գթառատ,

Եվ արցունքներով ինչպե՞ս չլվամ վերքը ոտքերիդ,

Աղաչում եմ Քեզ, ինձ մի՛ թույլատրիր կյանք շքեղ, առատ,

Եթե մարմինս նորից կդառնա տաճար կուռքերի:

Եվ ահա կրկին Քո առջև գալով` թույլ ու անկարող,

Կուզեմ ամեն օր իմ աղաչանքը Քեզ հայտնի լինի:

Հավատք ու սեր եմ խնդրում Քեզանից, Ամենակարո՛ղ,

Որ չմոռանամ արյանդ գործը, Հիսո՛ւս պաշտելի: (2)

Այդքանից հետո էլ ո՞ւր գնամ ես, Հա՛յր իմ գթառատ,

Եվ արցունքներով ինչպե՞ս չլվամ վերքը ոտքերիդ,

Աղաչում եմ Քեզ, ինձ մի՛ թույլատրիր կյանք շքեղ, առատ,

Եթե մարմինս նորից կդառնա տաճար կուռքերի:

[end:song]

[start:song]

239

1. Կյանքս Քեզ եմ ընծայում,

Հիսո՛ւս, Քեզ եմ նվիրում,

Կյանքս Դու Ինքդ ես պահել

Եվ դեպի երկինք ուղղել։

Կյանքս, իմը չէ այն,

Քոնն է միշտ, հավիտյան,

Այն Դու ես ինձ տվել,

Որ միշտ Քեզ փառաբանեմ։

2. Սատանան այս աշխարհում

Ինձ հրապուրել է ուզում,

Որ ես իրեն ծառայեմ

Եվ մեղքերի մեջ ապրեմ:

Բայց ես խնդրում եմ Քեզ,

Որ Դու իմ մեջ ապրես

Եվ այդ պատերազմում

Ինքդ տաս ինձ հաղթություն:

3. Մաքուր եմ ուզում ապրել

Եվ բոլորին էլ սիրել,

Մեղքից, չարից հրաժարվել

Եվ Քո մասին մտածել։

Օ՜, իմ Տեր և Աստված,

Օգնի՛ր ինձ հասկանալ

Քո անսահման սերը

Եվ նրա մեջ իմ ապրելը։

4. Շուտով փառքով կգաս Դու,

Կվերցնես եկեղեցուն,

Ինձ էլ պատրաստի՛ր, որ ես

Արժանի լինեմ, Տե՛ր, Քեզ։

Հավետ Քեզ հետ լինեմ

Եվ այնտեղ ես տեսնեմ

Այն ամենը, որ Դու

Խոստացել ես ինձ տալու։

[end:song]

[start:song]

314

1. Երբ ճանապարհ եմ դուրս գալիս,

Իմ առջևից ես Դու գնում

Եվ ճամփան ես ինձ ցույց տալիս

Ու չարիքից հեռու պահում։

Ինձ՝ օտարիս, եղբայր դարձար,

Միայնակիս՝ անկեղծ ընկեր,

Ոչ մի վայրկյան չհեռացար,

Հիսուս օրհնյալ, քաղցր իմ Տեր։

2. Երբ տխուր եմ, հույս ես տալիս,

Երբ հոգնած եմ՝ ինձ զորացնում,

Ծնողիցս շուտ ես գալիս

Ու ինձ օգնում ամեն հարցում։

Ինձ՝ օտարիս, եղբայր դարձար,

Միայնակիս՝ անկեղծ ընկեր,

Ոչ մի վայրկյան չհեռացար,

Հիսուս օրհնյալ, քաղցր իմ Տեր։

3. Դու իմ ճամփան ես միշտ հարթում,

Որ ոտքերս չառնեն քարին,

Եվ կյանքս ես ապահովում

Ու սիրալիր ժպտում բարի։

Ինձ՝ օտարիս, եղբայր դարձար,

Միայնակիս՝ անկեղծ ընկեր,

Ոչ մի վայրկյան չհեռացար,

Հիսուս օրհնյալ, քաղցր իմ Տեր։

4. Երբ հուսահատ արտասվում եմ,

Հույս ես տալիս, գոտեպնդում,

Երբ ծնկում եմ, փառաբանում,

Խոնարհվում ես, ինձ գուրգուրում:

Ինձ՝ օտարիս, եղբայր դարձար,

Միայնակիս՝ անկեղծ ընկեր,

Ոչ մի վայրկյան չհեռացար,

Հիսուս օրհնյալ, քաղցր իմ Տեր։

5. Այնքա՜ն մեծ սեր ունես, Հիսո՛ւս,

Որ չեմ կարող խոսքով ասել,

Դու կորսված, օտար մեկիս

Քո սուրբերի հետ ես դասել։

Ինձ՝ օտարիս, եղբայր դարձար,

Միայնակիս՝ անկեղծ ընկեր,

Ոչ մի վայրկյան չհեռացար,

Հիսուս օրհնյալ, քաղցր իմ Տեր։

[end:song]

[start:song]

75

1. Վիշտ ու ցավով պատած հոգի,

Ապավինի՛ր Աստծուն,

Քո ցավերը Նա կամոքի

Եվ կտա քեզ օրհնություն։

Մի՛ վախիր դու խավար ժամին,

Քո Աստծուն հավատա,

Ինչ որ Աստված խոստացել է,

Նա անպայման քեզ կտա։

2. Թող չհաղթի քեզ թշնամին

Խավարի և մութի մեջ,

Նայի՛ր դու և տես քո Փրկչին

Մահվան մեծ տագնապի մեջ։

Մի՛ վախիր դու խավար ժամին,

Քո Աստծուն հավատա,

Ինչ որ Աստված խոստացել է,

Նա անպայման քեզ կտա։

3. Կուզե՞ս ապրել Հիսուսի հետ,

Պետք է մեռնի քո «ես»-ը,

Կուզես լինել դու օգտավետ՝

Մահով է ճանապարհը։

Մի՛ վախիր դու խավար ժամին,

Քո Աստծուն հավատա,

Ինչ որ Աստված խոստացել է,

Նա անպայման քեզ կտա։

4. Թող փարատվին կասկածները,

Պինդ բռնիր Տեր Հիսուսին,

Նա կտա քեզ բարիքները՝

Նա սիրում է Իր որդուն։

Մի՛ վախիր դու խավար ժամին,

Քո Աստծուն հավատա,

Ինչ որ Աստված խոստացել է,

Նա անպայման քեզ կտա։

[end:song]