[start:song]
1. Թեկուզ տկար կերևնամ ես
Կամ խեղճ, տգետ մարդ մը վերջին,
Կամ «մոլորված» ըսեն ինծի,
Սուտ զրուցեն իմ հասցեին,
Բայց ես պիտի պատմեմ,
Օրհնեմ, սերդ երգեմ,
Չկա Աստծուց բացի
Կյանք, օրհնություն, լա՛վ իմացիր։ (2)
2. Փոխարենն իմ հանցանքների,
Մատնեցիր Քեզ չարչարանքի,
Խոցոտվեցար ձեռքեդ, ոտքեդ,
Ճամփա բացիր ինձ նոր կյանքի։
Օգնիր Քեզի սիրեմ,
Օրհնեմ, սերդ երգեմ,
Չկա Աստծուց բացի
Կյանք, օրհնություն, լա՛վ իմացիր։ (2)
3. Նեղ և փշոտ ճամփա է սա,
Ճամփի վերջին Տերս տեսա,
Մեղմ խոսեցավ, ըսավ ինծի.
«Քու փոխարեն չարչարվեցա»։
Անվերջ պիտի պատմեմ,
Օրհնեմ, սերդ երգեմ,
Չկա Աստծուց բացի
Կյանք, օրհնություն, լա՛վ իմացիր։ (2)
[end:song]
[start:song]
1. Նայի՛ր, ինչ խավար է շուրջբոլորդ,
Մարդիկ խարխափում են խավարում,
Գնում են դեպ կորուստ հավիտյան՝
Առանց հասկանալու։ (2)
Կանգնե՛ք, մարդի՛կ, լսե՛ք Աստծուն,
Որ ձեզ համար զոհեց Որդուն,
Տեսեք` ինչպես կանչում է Նա.
«Ե՛տ դարձեք Հիսուսին, ե՛տ դարձեք»։
2. Շատ-շատերը ծիծաղում են,
Երբ ճշմարտության խոսք են լսում,
Համարելով հին առասպելներ`
Խավար ճամփով են գնում։ (2)
[end:song]
[start:song]
1. Սուրբ ես (3), Տե՛ր,
Եհովա, զորաց Աստված.
Տիեզերք, ամեն բաներ`
Քու զորեղ խոսքով ստեղծված։
Բոլորտիքդ երբ կեցան,
Աչքդ խիստ ուրախացավ.
Հայնժամ լսվեցան երգեր՝
Սուրբ ես (3), Տե՛ր։
2. Սուրբ ես (3), Տե՛ր,
Մեծ Եհովա, այժմ և միշտ։
Թեպետ հող, մոխիր ենք, Տե՛ր,
Կսիրենք պաշտել Քեզ միշտ։
Աշխարհես անարգված,
Բայց անկե մեզ ես փրկած.
Միաբան կերգենք Քեզ, Տե՛ր,
Սուրբ ես (3), Տե՛ր։
3. Սուրբ ես (3), Տե՛ր,
Հաղթական զորքերն կերգեն,
Եվ փրկյալ անթիվ ազգեր
Քեզ պիտի երկրպագեն։
Եվ հրեշտակք, սուրբերն ամեն
Ցնծության ձայն վերցնեն,
Միաբան լսվին երգեր՝
Սուրբ ես (3), Տե՛ր։
[end:song]
[start:song]
1. «Օրհնության անձրևներ պիտ տամ»,-
Տերն է սիրով խոստացել,
Արդ աղոթենք անդադար, որ
Տերն ողորմի ու ղրկե։
Օրհնության անձրև,
Տե՛ր, աղոթքով կխնդրենք,
Շա՛տ տուր և շո՛ւտ տուր աղերսն մեր՝
Հորդ հեղեղներ, կաղաչենք։ (2)
2. Հորդ անձրևիդ, Տե՛ր, կարոտ ենք
Չորցած երկրի պես ծարավ,
Սուրբ Հոգիովդ այցելե մեզ,
Լուր մեր աղերսն, ո՜վ Աստված։
Օրհնության անձրև,
Տե՛ր, աղոթքով կխնդրենք,
Շա՛տ տուր և շո՛ւտ տուր աղերսն մեր՝
Հորդ հեղեղներ, կաղաչենք։ (2)
3. Թաթի չափ ամպ կերևնա, Տե՛ր,
Հազիվ կաթիլ ենք ստացել,
Ողորմած Հայր, լո՛ւր աղոթք մեր,
Պատասխան տուր և ղրկե:
Օրհնության անձրև,
Տե՛ր, աղոթքով կխնդրենք,
Շա՛տ տուր և շո՛ւտ տուր աղերսն մեր՝
Հորդ հեղեղներ, կաղաչենք։ (2)
4. Տե՜ր, հեռացո՛ւր մեր թմբիրը,
Կենդանացո՛ւր, կաղաչենք,
Աշխուժացո՛ւր հոգիներ մեր,
Արթուն կենանք, աղոթենք։
Օրհնության անձրև,
Տե՛ր, աղոթքով կխնդրենք,
Շա՛տ տուր և շո՛ւտ տուր աղերսն մեր՝
Հորդ հեղեղներ, կաղաչենք։ (2)
5. Տե՜ր, աղոթքի զորեղ կապը
Մենք համարձակ կաղերսենք,
Կապն չխզե նույնիսկ մեղքը,
Ուստի, սրտանց կաղաչենք։
Օրհնության անձրև,
Տե՛ր, աղոթքով կխնդրենք,
Շա՛տ տուր և շո՛ւտ տուր աղերսն մեր՝
Հորդ հեղեղներ, կաղաչենք։ (2)
[end:song]
[start:song]
1. Հիսուսի սերը մեծ է, անսահման,
Առատ հոսում է հորդ գետի նման,
Ինչպես զեփյուռ շոյում է մեր հոգին.
Խորն է ու լայն՝ սերը աստվածային։
Իսկ եթե չլիներ այդ սերը,
Չէր լինի և մեզ փրկություն,
Սերն է հավերժ կյանքի հույսը,
Որ գամվեց խաչին ու թափեց արյուն։
2. Նա մեզ սիրեց` դեռ Իրեն չիմացած,
Սիրեց և Իրեն հակառակ մարդկանց,
Ովքեր «խաչե՜լ, խաչե՜լ» էին գոչում,
Բայց Նա այսօր բոլորին է կանչում։
Իսկ եթե չլիներ այդ սերը,
Չէր լինի և մեզ փրկություն,
Սերն է հավերժ կյանքի հույսը,
Որ գամվեց խաչին ու թափեց արյուն։
3. Թե աշխարհի մարդիկ ա՛յս հասկանան՝
Աստծո սիրով է շնչում ամեն բան,
Կամ թե Աստված թողնի մեզ մի վայրկյան,
Բոլորս էլ անդարձ կերթանք կորստյան:
Իսկ եթե չլիներ այդ սերը,
Չէր լինի և մեզ փրկություն,
Սերն է հավերժ կյանքի հույսը,
Որ գամվեց խաչին ու թափեց արյուն։
4. Արի՛ շուտով, Նա քեզ է սպասում,
Իր մեղմ ձայնով սրտիդ դուռն է թակում,
Քար սիրտդ բա՛ց, չլինի` ուշանաս,
Ձրի փրկության սիրուց ետ մնաս։
Իսկ եթե չլիներ այդ սերը,
Չէր լինի և մեզ փրկություն,
Սերն է հավերժ կյանքի հույսը,
Որ գամվեց խաչին ու թափեց արյուն։
[end:song]
[start:song]
1. Ե՛կ Տիրոջը գովենք
Ու Նրան փառաբանենք,
Հիսուսի անունը
Մեր հայ ազգին վկայենք։
Մեր Տիրոջը գովենք
Ու Նրան միշտ մեծարենք,
Հիսուսի գործերը
Բոլոր ազգերին պատմենք։
Օ՜, ի՜նչ հիանալի
Տեր ունենք մենք,
Որ կարող է մեզ
Փրկել ու ազատել։
2. Եկե՛ք մեր երգերով
Նրան օրհնենք ու գովենք
Ու մեր ամբողջ կյանքով
Տեր Հիսուսին փառք բերենք:
Եկե՛ք միասնաբար
Սուրբ Հոգով ջերմ աղոթենք,
Հիսուսի գալստյանն
Սպասելով՝ պատրաստվենք։
Օ՜, ի՜նչ հիանալի
Տեր ունենք մենք,
Որ կարող է մեզ
Փրկել ու ազատել։
3. Ահա Նա գալիս է,
Մեր աչքերը բարձրացնենք,
Հիսուսի հետ մեկտեղ
Երկնի փառքերը մտնենք։
Քանզի Նա է միայն
Արժանի առնելու փառք
Եվ պատիվ, զորություն
Հիմա և միշտ, հավիտյան։
Օ՜, ի՜նչ հիանալի
Տեր ունենք մենք,
Որ կարող է մեզ
Փրկել ու ազատել։
[end:song]