[start:song]
1. Թանկագին րոպեներ է Աստված պարգևել.
Տեսնում ենք մեր քույր-եղբայրներին,
Եվ Հիսուսը մեզ հետ լինել է խոստացել,
Տանք մեր սրտերում տեղ Փրկչին։
2. Ի՜նչ հաճելի է ձեզ հետ Նրան խոնարհվել,
Աշխարհի հուզմունքներն մոռանալ,
Եվ ի՜նչ ուրախություն է Սուրբ Հոգով լցվել,
Երկինքն այս ժամին վայելել։
3. Մենք՝ Սիոնի ճամփորդներս ենք այստեղ հանգչում՝
Կենաց ջուր բխող աղբյուրի մոտ։
Թաբոր լեռն անցնելով՝ նոր ուժով կշարժվենք
Տիրոջ նեղ ճամփով քարքարոտ։
4. Քաղցր հանդիպման մեջ անտեսում ենք ահը
Եվ հսկա ժայռերը մեր ճամփի,
Զորացնում են մեզ մեր Աստծո խոսքերը,
Տանում վեր՝ դեպ նոր բարձունքի։
5. Տեր Հիսուսին հիմա ավելի մոտենանք,
Միշտ նայենք մեր կենդանի Վեմին,
Հավատքի վահանով և սիրո զրահով
Հետևենք Տիրոջ քայլերին։
[end:song]
[start:song]
1. Ուրա՞խ ես, որ Հիսուսը մեղքերդ ներեց
Եվ հոգուդ վրա ճնշող բեռը կրեց,
Խղճի խայթեն լման քեզ ազատեց։
Փա՛ռք տուր Տիրոջ, պատմե՛, պատմե՛,
Բարի լուրը տարածե՛,
Որ լսեն ընկերներդ, հավատան ընկերներդ
Որ փրկվին իրենց մեղքերեն։
2. Ուրա՞խ ես, որ Տերը քեզ կառաջնորդե
Կյանքի տխուր, կյանքի դժվար ճամփաներում,
Եվ հետդ է որպես Տեր և Ընկեր։
3. Ուրա՞խ ես, որ ժառանգակից եղար
Երկնային կյանքին, փառքին հարեցար:
Հիսուսն ըսավ. «Ես եմ կյանքն ու ճամփան»:
[end:song]
[start:song]
1. Ինչքա՜ն բարի է Տերը,
Որ կրում է մեր բեռը,
Ամեն օր ու ամեն վայրկյան
Մեզ հետ քայլում է:
Ինչքան սիրով է Տերը,
Միշտ տեսնում ենք Իր սերը,
Ամեն օր ու ամեն վայրկյան
Նա մեզ սիրում է:
Ամեն ծունկ պիտ կրկնվի,
Ամեն լեզու դավանի՝
Քրիստոսն է միայն Տերը
Ու միակ Փրկիչ:
2. Նա է մարդկության հույսը,
Այս մութ աշխարհի լույսը,
Որ կբացի ու կփշրի
Ամեն կապանքներ:
Ո՞ւր է մահի խայթոցը՝
Մարդկության վերջակետը:
Փառք լինի Աստծո Որդուն,
Որ մեզ ազատեց:
Ազատեց Նա մեզ մահից,
Այս աշխարհի խավարից,
Ուրախություն, խաղաղություն
Բերեց մեր սրտին:
[end:song]
[start:song]
1. Աստված Քեզ ուղարկեց ինձ համար,
Աշխարհում ծնվեցիր ինձ համար,
Եկար, մարմին հագար ինձ համար,
Հիսո՛ւս,Դու մարդացար ինձ համար:
Միայն Քեզ պաշտել եմ ուզում ես, Տե՛ր,
Խոսքիդ մեջ ապրել եմ ուզում ես, Տե՛ր,
Սիրուդ մեջ մնալ եմ ուզում ես, Տե՛ր,
(Միայն) Քեզ հետ ես լինեմ:
2. Հալածանք Դու տարար ինձ համար,
Անարգանք կրեցիր ինձ համար,
Խաչին Դու գամվեցիր ինձ համար,
Սուրբ արյուն թափեցիր ինձ համար։
Միայն Քեզ պաշտել եմ ուզում ես, Տե՛ր,
Խոսքիդ մեջ ապրել եմ ուզում ես, Տե՛ր,
Սիրուդ մեջ մնալ եմ ուզում ես, Տե՛ր,
(Միայն) Քեզ հետ ես լինեմ:
3. Թողել եմ աշխարհը Քեզ համար,
Ապրում եմ ես միայն Քեզ համար։
Նոր երգեր եմ երգում Քեզ համար,
Փառքեր եմ ես բերում Քեզ համար։
Միայն Քեզ պաշտել եմ ուզում ես, Տե՛ր,
Խոսքիդ մեջ ապրել եմ ուզում ես, Տե՛ր,
Սիրուդ մեջ մնալ եմ ուզում ես, Տե՛ր,
(Միայն) Քեզ հետ ես լինեմ:
[end:song]
[start:song]
1. Ղովտի նման այսօր ես էլ նեղվում եմ, հուզվում,
Ծով արցունքիս կոհակներում լողում եմ, սուզվում:
Անհույս մարդկանց բազմություն է շուրջս ամենուր,
Ասա՛, Հիսուս, ե՞րբ ես գալու, Դու տո՛ւր ինձ մի լուր:
Արի՜, Հիսո՛ւս, քաղցր իմ Տեր, չեմ դիմանում,
Սիրտս հալվեց, հոգիս մաշվեց, տես` ինչ եմ լինում:
Արի՜, Հիսո՛ւս, քաղցր իմ Տեր, չեմ դիմանում,
Սիրտս հալվեց, մաշվեց, տես` ինչ եմ լինում:
2. Աղաչում եմ, օրհնյալ Տերս, դարձի՛ բեր նրանց
Եվ Հոգովդ կենդանացրո՛ւ, չմնան մեռած,
Հանի՛ր նրանց այդ վիճակից՝ ապրեն սրբությամբ
Ու քեզ պաշտեն հոգով, սրտով և ճշմարտությամբ:
Արի՜, Հիսո՛ւս, քաղցր իմ Տեր, չեմ դիմանում,
Սիրտս հալվեց, հոգիս մաշվեց, տես` ինչ եմ լինում:
Արի՜, Հիսո՛ւս, քաղցր իմ Տեր, չեմ դիմանում,
Սիրտս հալվեց, մաշվեց, տես` ինչ եմ լինում:
[end:song]
[start:song]
1. Ժողովուրդն ենք մենք՝ սուրբ արյամբ գնված,
Մոտենանք Աստծո Գառին համարձակ,
Որ Գողգոթայում տառապանք տարավ,
Խաչվեց իմ և քո մեղքերի համար։
Արյան զորությամբ ունենք թողություն,
Արյան զորությամբ ունենք փրկություն,
Արյան զորությամբ էր, որ Գողգոթայում
Գառն Աստծո տարավ հաղթություն։
2. Մեր կյանքը փոխեց, Իրեն մոտեցրեց
Ու խաչի ճամփան Նա մեզ ցույց տվեց,
Որ նայենք Իրեն, հիշենք Գողգոթան,
Երբեք չհիշենք անցած հին ճամփան։
Արյան զորությամբ ունենք թողություն,
Արյան զորությամբ ունենք փրկություն,
Արյան զորությամբ էր, որ Գողգոթայում
Գառն Աստծո տարավ հաղթություն։
3. Անհուն փառք Իրեն՝ Աստծո Գառին,
Որ անգին արյամբ տվեց թողություն,
Մաքրեց մեղքերից ու ճերմակ արեց
Եվ էլ ավելի կյանք մեզ պարգևեց։
Արյան զորությամբ ունենք թողություն,
Արյան զորությամբ ունենք փրկություն,
Փառք և օրհնություն երգենք մեր Աստծուն,
Որ Իր Որդով տվեց մեզ հարություն։
[end:song]