Enter Song Lyrics

680

1. Արթնացա մի օր Քո իսկ պարգևած արևի շողից

Ու հանդիպեցի ինձ մահի տանող ահեղ փորձության,

Բայց բարի սիրտդ, հոգատար ձեռքդ խղճաց ինձ վերից

Եվ փայփայելով ու մեղմ շոյելով` տարավ փրկության:

Այդքանից հետո էլ ո՞ւր գնամ ես, Հա՛յր իմ գթառատ,

Եվ արցունքներով ինչպե՞ս չլվամ վերքը ոտքերիդ,

Աղաչում եմ Քեզ, ինձ մի՛ թույլատրիր կյանք շքեղ, առատ,

Եթե մարմինս նորից կդառնա տաճար կուռքերի:

2. Այդ օրից ի վեր մի փափագ ունեմ, Փրկի՛չ, սիրելի՛ս,

Հասնեմ Գողգոթա, ծնկաչոք փարվեմ ոտքերիդ գամված

Հայացքս ուղղեմ տառապած դեմքիդ, Հիսո՛ւս, սիրելի՛ս,

Ու Քո մեջ տեսնեմ նվաստիս անձը՝ մեղքից ազատված:

Այդքանից հետո էլ ո՞ւր գնամ ես, Հա՛յր իմ գթառատ,

Եվ արցունքներով ինչպե՞ս չլվամ վերքը ոտքերիդ,

Աղաչում եմ Քեզ, ինձ մի՛ թույլատրիր կյանք շքեղ, առատ,

Եթե մարմինս նորից կդառնա տաճար կուռքերի:

3. Եվ ահա կրկին Քո առջև գալով` թույլ ու անկարող,

Կուզեմ ամեն օր իմ աղաչանքը Քեզ հայտնի լինի:

Հավատք ու սեր եմ խնդրում Քեզանից, Ամենակարո՛ղ,

Որ չմոռանամ արյանդ գործը, Հիսո՛ւս պաշտելի: (2)

Այդքանից հետո էլ ո՞ւր գնամ ես, Հա՛յր իմ գթառատ,

Եվ արցունքներով ինչպե՞ս չլվամ վերքը ոտքերիդ,

Աղաչում եմ Քեզ, ինձ մի՛ թույլատրիր կյանք շքեղ, առատ,

Եթե մարմինս նորից կդառնա տաճար կուռքերի:

[end:song]

[start:song]

261

1. Տեր Հիսուս սեր է, Նա զիս կսիրե,

Փրկիչը սեր է, Նա զիս կսիրե։

Ուստի նորեն կերգեմ՝

Իմ Տերը սեր է,

Փրկիչը սեր է,

Նա զիս կսիրե։

2. Մեղքի բեռան տակ ես շատ հեծեցի,

Մեղքի բեռան տակ ճնշված մնացի։

Ուստի նորեն կերգեմ՝

Իմ Տերը սեր է,

Փրկիչը սեր է,

Նա զիս կսիրե։

3. Աստված Իր Որդուն ղրկեց երկնքեն,

Եվ Նա զոհվեցավ իմ սիրո համար:

Ուստի նորեն կերգեմ՝

Իմ Տերը սեր է,

Փրկիչը սեր է,

Նա զիս կսիրե։

4. Ո՜վ հավատարիմ Փրկիչ իմ, Հիսո՛ւս,

Սիրելի Հիսուս, Դուն զիս կսիրես։

Ուստի նորեն կերգեմ՝

Իմ Տերը սեր է,

Փրկիչը սեր է,

Նա զիս կսիրե։

5. Դուն խաչը ելար և չարչարվեցար,

Դուն խաչը ելար իմ սիրո համար:

Ուստի նորեն կերգեմ՝

Իմ Տերը սեր է,

Փրկիչը սեր է,

Նա զիս կսիրե։

[end:song]

[start:song]

497

1. Այսօր կուզեմ ես Քեզ տեսնել,

Աստվածային խոսքդ լսել,

Միայն Քո խոսքը ինձ կտա

Ճշմարիտ ճանապարհ և կյանք։

Այսօր միայն ես հասկացա՝

Դո՛ւ ես Աստվածը ճշմարիտ,

Կուզեմ փարվել այսօր ես Քեզ,

Սրտեր քննող Արքա՛ հզոր։

2. Բարի Աստված, միայն Դու ես

Որբին Հայր և աղքատին Տեր,

Ճիշտ ուղղություն մտքին տվողն

Դո՛ւ ես, Հիսուս, ամենազոր։

Այսօր միայն ես հասկացա՝

Դո՛ւ ես Աստվածը ճշմարիտ,

Կուզեմ փարվել այսօր ես Քեզ,

Սրտեր քննող Արքա՛ հզոր։

3. Այսօր կուզեմ Քեզ հանդիպել,

Կուզեմ սրտիս ցավը պատմել,

Ոչ մի բան չբուժեց ցավն իմ,

Դո՛ւ ես Բժիշկը ճշմարիտ։

Այսօր միայն ես հասկացա՝

Դո՛ւ ես Աստվածը ճշմարիտ,

Կուզեմ փարվել այսօր ես Քեզ,

Սրտեր քննող Արքա՛ հզոր։

4. Այսօր ես Քեզ Տեր եմ ընտրում,

Ե՛կ, բնակվիր Դու իմ սրտում,

Դո՛ւ ես, Հիսո՛ւս, կենաց ծառը,

Ով Քեզ ընտրի՝ պիտի ապրի։

Այսօր միայն ես հասկացա՝

Դո՛ւ ես Աստվածը ճշմարիտ,

Կուզեմ փարվել այսօր ես Քեզ,

Սրտեր քննող Արքա՛ հզոր։

5. Այսօր կուզեմ Քո սերն զգալ,

Գրկումդ հանգչել, Քեզ վայելել,

Չկա ուրիշ անուն, Հիսո՛ւս,

Այնպես թանկագին ու անուշ։

Այսօր միայն ես հասկացա՝

Դո՛ւ ես Աստվածը ճշմարիտ,

Կուզեմ փարվել այսօր ես Քեզ,

Սրտեր քննող Արքա՛ հզոր։

[end:song]

[start:song]

282

1. Սրտանց գոհություն զորության Աստծուն,

Աչքաթող չարեց ապերախտ մարդուն,

Աշխարհ ուղարկեց Իր միակ Որդուն,

Սրտանց գոհություն մեր սիրո Աստծուն։

Սրտանց գոհություն մեր Տեր Հիսուսին,

Որ սարն էր ելնում խաչը Իր ուսին,

Այդ մեր մեղքերն էր տանում Իր ուսին,

Սրտանց գոհություն մեր կյանքի Հույսին։

2. Սրտանց գոհություն Աստծո Որդուն,

Որ անչափ սիրեց մեղավոր մարդուն,

Մեղավոր էինք, գտանք թողություն,

Սրտանց գոհություն, մեր Կյանք, Սրբություն։

Սրտանց գոհություն մեր Տեր Հիսուսին,

Որ սարն էր ելնում խաչը Իր ուսին,

Այդ մեր մեղքերն էր տանում Իր ուսին,

Սրտանց գոհություն մեր կյանքի Հույսին։

3. Սրտանց գոհություն Աստծո Որդուն,

Կյանքն Իրենով է, կտա թողություն,

Կենդանի ջուր է ծարավ սրտերին,

Սրտանց գոհություն խաչյալ Հիսուսին:

Սրտանց գոհություն մեր Տեր Հիսուսին,

Որ սարն էր ելնում խաչը Իր ուսին,

Այդ մեր մեղքերն էր տանում Իր ուսին,

Սրտանց գոհություն մեր կյանքի Հույսին։

[end:song]

[start:song]

212

1. Ամեն տեղ կերթամ ես Տեր Հիսուսի հետ,

Ամեն տեղ կապահովե զիս Նա հավետ,

Առանց Իրեն ոչ մեկ տեղ կըլլամ ուրախ,

Ամեն տեղ Հիսուսի հետ կերթամ անվախ։

Ամեն տեղ, ամեն տեղ անվախ, անվրդով,

Ամեն տեղ Փրկչիս հետ կերթամ ապահով։

2. Երբ Տէրոջ հետ եմ, մեկու ես չեմ կարոտ,

Բարեկամք երբ զիս լքեն, Հիսուս է մոտ,

Թե բաժինս ըլլա վայր մը տառապանաց,

Հիսուսով այն տեղն իսկ կ’ըլլա տուն փառաց։

Ամեն տեղ, ամեն տեղ անվախ, անվրդով,

Ամեն տեղ Փրկչիս հետ կերթամ ապահով։

3. Ամեն տեղ ես Տերոջմով ննջել կրնամ,

Թե ըլլա, որ հոս աչքերս ալ չբանամ,

Բայց Տերոջ փողին ձայնեն երբ արթննամ,

Հիսուսի պայծառ դեմքեն պիտ կշտանամ։

Ամեն տեղ, ամեն տեղ անվախ, անվրդով,

Ամեն տեղ Փրկչիս հետ կերթամ ապահով։

[end:song]

[start:song]

139

1. Քրիստոս թագավոր է սիրո, զորության,

Ճշմարտության շնորհքով օժտված հավիտյան,

Լի գութով պատրաստ է օգնելու հոժար,

Ուխտել էր Իր Հորը՝ փրկել մարդկության։

Մորթված Գառնուկը հաղթեց աշխարհին (3),

Աստծո Քրիստոսը՝ մեղքին ու մահին։

2. Սատանան սոսկում է, սարսափած փախչում,

Դևերը շփոթված՝ ահից զարհուրում,

Անհավատությունից դժոխքն է լցված,

Դատաստանի ահից տագնապի մատնված:

Ալելուիա՜, հաղթե՛ց Քրիստոսը մահին (3),

Ալելուիա՜, հաղթեց ցուրտ գերեզմանին:

3. Քնած մեղավորներ, ի՞նչ եք մտածում,

Տեսեք, թե աշխարհը ո՞ւր է ձեզ տանում,

Անհոգությունից էլ շատերը կորան

Եվ ունայն աշխարհից ոչինչ չտարան։

Ապաշխարե՛ք շուտով, շնորհք ստացեք, (3)

Ապաշխարե՛ք իսկույն, Տիրոջ մոտեցեք:

3. Մեր Տերը գալու է շուտով ամպերով,

Լուսո հրեշտակներով, սրբոց բանակով,

Աշխարհը կլցնի արդարությունով,

Կդատի ազգերը՝ ճշմարտությունով։

Ալելուիա՜, հաղթե՛ց Քրիստոսը մահին, (3)

Ալելուիա՜, հաղթեց ցուրտ գերեզմանին։

[end:song]