Enter Song Lyrics

217

1. Եթե դժվարության հանդիպես

Կամ թե մարդկանցից արհամարհվես,

Ինչքան էլ ծանր վիճակ լինի,

Երբեք ոչ ոքի մի՛ մեղադրիր։

Եթե ծաղիկները թառամեն,

Եվ տերևները ծառից թափվեն,

Իսկ սրտումդ կրակը հանգչի,

Երբեք ոչ ոքի մի՛ մեղադրիր։

2. Թե էլ արևը քեզ չփայլի,

Եվ կյանքիդ օրերը խավարեն,

Եվ զգաս սառնություն սրտիդ մեջ,

Մի՛ մեղադրիր ոչ ոքի երբեք։

Թե ճամփիդ ծաղիկներ չլինեն,

Այլ միայն սուր քարեր հանդիպեն,

Իմ եղբա՛յր, այս խոսքը դու հիշիր.

Երբեք ոչ ոքի մի՛ մեղադրիր։

3. Եթե դու մենակ ես ու լքված,

Ինչպես ծովում նավը ջախջախված,

Էլ պիտանի չես ոչ մի բանի,

Դարձյալ ոչ ոքի մի՛ մեղադրիր։

Թե աչքերիցդ հորդ արցունք թափվի,

Ուրախության հույսը կտրվի,

Այս խոսքերը դու սրտիդ մեջ դի՛ր,

Երբեք ոչ ոքի մի մեղադրիր։

4. Թե նույնիսկ հարազատ ընկերդ

Եվ հանկարծ դրժի իր երդումը,

Քեզ մոռանա և սերը փոխի,

Նրան էլ դարձյալ մի՛ մեղադրիր։

Որովհետև Հիսուս Քրիստոսը

Ներում է բոլորիս մեղքերը,

Հայացքդ միայն Նրան ուղղի՛ր

Եվ Նրա նման դու էլ ների՛ր։

5. Թե ուզում ես երջանիկ լինել

Եվ մարդկանց օրինակ ծառայել,

Այդ դեպքում պետք է այսպես անել՝

Ամենից առաջ քեզ մեղադրել։

Քանզի Հիսուսը, մեզ սիրելով,

Մեր մեղքը Իր վրա վերցնելով,

Խաչի վրա մեզ համար զոհվեց,

Ինձ և քեզ թողություն պարգևեց։

[end:song]

[start:song]

43

1. Ինչո՞ւ կմերժես դու հրավերը

Խաչյալ Փրկչի, որ կըսե՝ եկուր,

Կլվա քեզ քո պիղծ մեղքերեն

Եվ կընե քեզ ձյունեն ալ մաքուր։

Ե՛կ, մեղավոր, ե՛կ, շուտ ըրե,

Բաց բազուկներուն մեջ քեզ նետե։

2. Տե՛ս, ինչպես գամված Նա խաչին վրա,

Անտրտունջ քեզ համար կզոհվի,

Տե՛ս, ինչպես վշտահար Նա կուլա

Ու ջերմ սիրով քեզի կնայե։

Ե՛կ, մեղավոր, ե՛կ, շուտ ըրե,

Բաց բազուկներուն մեջ քեզ նետե։

3. Ե՛կ, շուտով խաչին տակ ծնրադրե

Ու մեղքերդ Անոր խոստովանե,

Ե՛կ այսօր աշխարհեն հրաժարե

Եվ ամբողջ կյանքդ Անոր նվիրե։

Ե՛կ, մեղավոր, ե՛կ, շուտ ըրե,

Բաց բազուկներուն մեջ քեզ նետե։

4. Եթե հիմա հրավերն դու մերժես,

Անոր Սուրբ Հոգին կվշտացնես,

Եվ գուցե այս վերջին անգամն է,

Որ Նա քո սրտի դուռն կզարնե։

Ե՛կ, մեղավոր, ե՛կ, շուտ ըրե,

Բաց բազուկներուն մեջ քեզ նետե։

[end:song]

[start:song]

372

1. Հիսո՛ւս, սիրում ենք Քեզ,

Քեզ ենք գոհություն տալիս,

Միայն Դու ես արժանի

Երկրպագության, մեր Տեր։

Հիսո՛ւս, փառքի ես արժանի,

Գահին նստած

Մեծ Աստված հավիտյան։

Ձայն ենք բարձրացնում,

Մեծարում ենք անունը միշտ Քո,

Արքաների Արքա, Էմմանուէլ։

1. Ես սիրում եմ քեզ սիրով Հիսուսի, (2)

Ես սիրում եմ քեզ սիրով,

Երկնային անմար սիրով,

Ես սիրում եմ քեզ սիրով Հիսուսի։

2. Ես սիրում եմ քեզ սիրով Հիսուսի, (2)

Աչքերիդ մեջ տեսնում եմ

Սերը աստվածային,

Ես սիրում եմ քեզ սիրով Հիսուսի։

Հիսո՛ւս, փառքի ես արժանի,

Գահին նստած

Մեծ Աստված հավիտյան։

Ձայն ենք բարձրացնում,

Մեծարում ենք անունը միշտ Քո,

Արքաների Արքա, Էմմանուէլ։

[end:song]

[start:song]

22

1. Լուսո բլրան վրա կանգնած,

Ո՛վ զինվոր Քրիստոսի,

Օն, ե՛լ, պայքարդ մղե հառաջ,

Զի օրն շուտ վախճանի։

Մեր թշնամվույն ճակտին մղենք

Մեր զորությունն ուժգին,

Հավատքն է հաղթություն, գիտենք,

Որ հաղթե աշխարհին։

Հավատքն է հաղթություն, (2)

Ո՜հ, փառավոր հաղթություն,

Որ հաղթե աշխարհին։

2. Իր սերն է դրոշ՝ վեր մեր գլխուն,

Մեր սուրն՝ Տիրոջ պատգամն,

Քայլենք ճամփան այն սուրբերուն,

Որ հոս պայքարեցան։

Ինչպես անոնք, նման մրրկի,

Թշնամվույն խոյացան,

Նույն հավատքով մենք ալ պիտի

Հասնինք ստույգ հաղթության։

Հավատքն է հաղթություն, (2)

Ո՜հ, փառավոր հաղթություն,

Որ հաղթե աշխարհին։

3. Ան, որ հաղթող է թշնամվույն,

Ճերմակ զգեստ հագնի,

Ի մեջ սրբոց Իրեն անուն

Փառքով պիտ դավանի։

Ուստի, հառա՛ջ լուսո բլրեն,

Սրտեր՝ լեցուն սիրով,

Փախչին զորք խավարի ամեն

Հիսուսի անունով։

Հավատքն է հաղթություն, (2)

Ո՜հ, փառավոր հաղթություն,

Որ հաղթե աշխարհին։

[end:song]

[start:song]

369

1. Դուք գիտե՞ք, թե հիմա ում եմ ես շատ սիրում,

Դուք գիտե՞ք, թե հիմա ում եմ ես աղոթում:

Ես ունեմ Տեր Հիսուս, մեծ Փրկիչ ինձ համար

Եվ հոգով պատրաստ եմ սիրտս տալու Նրան։

Տեր Հիսո՜ւս, Տեր Հիսո՜ւս,

Աղաչում եմ, Փրկի՛չ,

Ինձ էլ ա՛ռ թևիդ տակ,

Խնդրում եմ, ողորմի՜ր։

2. Թողել եմ ես բոլոր աշխարհիկ գործերը,

Իմ առջև բացվել են հոգևոր դռները։

Ով փնտրի՝ կգտնի, թե սրտով ցանկանա,

Թակողին կբացվի, թե հոգով կամենա։

Տեր Հիսո՜ւս, Տեր Հիսո՜ւս,

Աղաչում եմ, Փրկի՛չ,

Ինձ էլ ա՛ռ թևիդ տակ,

Խնդրում եմ, ողորմի՜ր։

3. Ուր էլ որ մենք լինենք, Տերը մեզ կտեսնի,

Ինչ էլ որ մենք խոսենք, Հիսուսը կլսի,

Իսկ եթե սխալվենք ու շեղվենք Իր ճամփից,

Հավատքով աղոթենք՝ ներում կպարգևի։

Տեր Հիսո՜ւս, Տեր Հիսո՜ւս,

Աղաչում եմ, Փրկի՛չ,

Ինձ էլ ա՛ռ թևիդ տակ,

Խնդրում եմ, ողորմի՜ր։

[end:song]

[start:song]

346

1. Ե՛կ Տիրոջը գովենք

Ու Նրան փառաբանենք,

Հիսուսի անունը

Մեր հայ ազգին վկայենք։

Մեր Տիրոջը գովենք

Ու Նրան միշտ մեծարենք,

Հիսուսի գործերը

Բոլոր ազգերին պատմենք։

Օ՜, ի՜նչ հիանալի

Տեր ունենք մենք,

Որ կարող է մեզ

Փրկել ու ազատել։

2. Եկե՛ք մեր երգերով

Նրան օրհնենք ու գովենք

Ու մեր ամբողջ կյանքով

Տեր Հիսուսին փառք բերենք:

Եկե՛ք միասնաբար

Սուրբ Հոգով ջերմ աղոթենք,

Հիսուսի գալստյանն

Սպասելով՝ պատրաստվենք։

Օ՜, ի՜նչ հիանալի

Տեր ունենք մենք,

Որ կարող է մեզ

Փրկել ու ազատել։

3. Ահա Նա գալիս է,

Մեր աչքերը բարձրացնենք,

Հիսուսի հետ մեկտեղ

Երկնի փառքերը մտնենք։

Քանզի Նա է միայն

Արժանի առնելու փառք

Եվ պատիվ, զորություն

Հիմա և միշտ, հավիտյան։

Օ՜, ի՜նչ հիանալի

Տեր ունենք մենք,

Որ կարող է մեզ

Փրկել ու ազատել։

[end:song]