Enter Song Lyrics

472

1. Որքա՜ն կուզեմ, օրհնյա՜լ Տեր իմ,

Փարվեմ Քո կրծքին,

Որ պատմեմ Քեզ ցավերս բոլոր,

Բացեմ սիրտը իմ։

     Բացատրես ինձ Քո սերն անհուն,

     Որ ես հասկանամ

     Եվ այս ունայն կյանքի մեջ

     Քեզ չմոռանամ։

2. Ձեռքերիդ մեջ է կյանքը իմ

Այնտեղ՝ երկնքում,

Ուր սուրբերն ու հրեշտակները

Քեզ են գովերգում։

     Թագավորի՛ր Դու իմ սրտում

     Երկնային փառքով,

     Որ ձգտի երկինք սիրտն իմ,

     Ապրեմ Քեզանով։

3. Ո՜վ Տեր, Դու շատ բարձրերում ես,

Բայց սրտով՝ խոնարհ,

Քո փառքը երկնքից վեր է,

Ու սերդ՝ անմար։

     Թագավորի՛ր Դու իմ սրտում,

     Լինեմ ես խոնարհ,

     Տեսնեմ սերդ իմ կյանքում,

     Ապրեմ Քեզ համար։

[end:song]

[start:song]

285

1. Գնում եմ ես Հիսուսիս տես,

Որ երկնքում լույս է հագել,

Հոր աջ նստած` բարեխոս է,

Սուրբի համար լույս փարոս է:

Երկրի վրա ճամփաս փուշ է,

Բայց Քեզ գալը շատ անուշ է,

Խիստ է ծակում փուշն աշխարհի,

Ո՜վ Սուրբ Հոգի, Դու ինձ պահիր:

2. Հենվեմ վեմիդ, քաշեմ լուծս,

Դու ես միայն Տերս, հույսս,

Հալածանքը սիրով տանեմ,

Հալածողիս սիրեմ, ներեմ:

Երկրի վրա ճամփաս փուշ է,

Բայց Քեզ գալը շատ անուշ է,

Խիստ է ծակում փուշն աշխարհի,

Ո՜վ Սուրբ Հոգի, Դու ինձ պահիր:

3. Տե՜ր, ինձ դու տո՛ւր կարողություն,

Տանջանքի մեջ՝ համբերություն,

Ների՛ր գործած սխալներս,

Դու ներող ես, ներո՛ղ Տերս:

Երկրի վրա ճամփաս փուշ է,

Բայց Քեզ գալը շատ անուշ է,

Խիստ է ծակում փուշն աշխարհի,

Ո՜վ Սուրբ Հոգի, Դու ինձ պահիր:

4. Դու ինձ գտար ու գրկեցիր,

Սեր, կյանք ու հույս շնորհեցիր,

Սիրո թևով ելնում եմ վեր,

Փարվում եմ Քեզ, իմ Տեր, իմ սեր:

Երկրի վրա ճամփաս փուշ է,

Բայց Քեզ գալը շատ անուշ է,

Խիստ է ծակում փուշն աշխարհի,

Ո՜վ Սուրբ Հոգի, Դու ինձ պահիր:

[end:song]

[start:song]

469

1. Արարիչ երկնքի, որ երկիրն արարեցիր,

Ամենագեղեցիկն ինձանում իրականացրիր,

Հրեշտակներն էլ երգում են, թե ինձ ի՜նչ տվեցիր՝

Սերդ, որ երբեք վերջ չունի։

Քեզնով է, Տե՜ր, ամբողջանում աղոթքս,

Բառերն այն, որ իմ սիրտն է ասում Քեզ,

Քեզ է ուղղված ամենագեղեցիկ երգս,

Ակնածանքով խոնարհվում եմ ես, Տե՛ր։

2. Արարիչ երկնքի, որ երկիրն արարեցիր,

Սերդ խափանեց հոգուս գիշերը,

Արդ Քեզ եմ ես դարձել, սիրում եմ Քեզ, իմ Տե՛ր,

Քեզ է ուղղված իմ սրտի կանչը։

Քեզնով է, Տե՜ր, ամբողջանում աղոթքս,

Բառերն այն, որ իմ սիրտն է ասում Քեզ,

Քեզ է ուղղված ամենագեղեցիկ երգս,

Ակնածանքով խոնարհվում եմ ես, Տե՛ր։

[end:song]

[start:song]

364

1. Փա՜ռք Քեզ, իմ Տե՛ր, ամենուրեք,

Փա՜ռք Քեզ, իմ Տե՛ր, գիշեր-ցերեկ։

Փա՜ռք Քեզ, իմ Տե՛ր,

Փա՜ռք, գոհություն,

Փա՜ռք, փա՜ռք, փա՜ռք։

2. Փա՜ռք Քեզ, իմ Տե՛ր, առատ կյանքում,

Փա՜ռք Քեզ, իմ Տե՛ր, և նեղ օրում։

Փա՜ռք Քեզ, իմ Տե՛ր,

Փա՜ռք, գոհություն,

Փա՜ռք, փա՜ռք, փա՜ռք։

3. Փա՜ռք Քեզ, իմ Տե՛ր, զորաց Աստված`

Սիրով լցված, օրհնյալ, գթած։

Փա՜ռք Քեզ, իմ Տե՛ր,

Փա՜ռք, գոհություն,

Փա՜ռք, փա՜ռք, փա՜ռք։

4. Անպատմելի ուրախություն,

Ամեն ցավին՝ բժշկություն։

Փա՜ռք Քեզ, իմ Տե՛ր,

Փա՜ռք, գոհություն,

Փա՜ռք, փա՜ռք, փա՜ռք։

5. Թույլին տվող մեծ զորություն,

Ազգիս Հայոց՝ սեր, միություն։

Փա՜ռք Քեզ, իմ Տե՛ր,

Փա՜ռք, գոհություն,

Փա՜ռք, փա՜ռք, փա՜ռք։

6. Քեզնով միայն ապրում եմ ես,

Քո Սուրբ Հոգով լցված եմ ես։

Փա՜ռք Քեզ, իմ Տե՛ր,

Փա՜ռք, գոհություն,

Փա՜ռք, փա՜ռք, փա՜ռք։

7. Քանի դեռ կամ, պիտի երգեմ,

Փառքդ օրհնյալ ես տարածեմ։

Սրտի խորքից երգում եմ քեզ՝

Փա՜ռք, փա՜ռք, փա՜ռք։

Փա՜ռք Քեզ, իմ Տե՛ր,

Փա՜ռք, գոհություն,

Փա՜ռք, փա՜ռք, փա՜ռք։

[end:song]

[start:song]

487

1. Ուզում ենք, որ Դու լինես մեր հոգում,

Քո լույսն ու փառքը տարածենք այս կյանքում,

Հիսուս Արքա՛, իջի՛ր Քո զորությամբ,

Տերերի Տեր, Թագավոր թագավորաց։

Ուրախություն է Քեզ հետ քայլելը,

Երանություն է Քեզ հետ ապրելը,

Հիսուս Արքա՛, պատրաստիր Քո հարսին,

Որ տանես նրան տուն երկնային։ (2)

2. Մտնենք Տիրոջ սրահը գոհությամբ,

Պաշտենք հոգով ու ճշմարտությամբ,

Փառաբանենք սրտանց մեր Աստծուն,

Որ թագավորենք միասին երկնքում։

Ուրախություն է Քեզ հետ քայլելը,

Երանություն է Քեզ հետ ապրելը,

Հիսուս Արքա՛, պատրաստիր Քո հարսին,

Որ տանես նրան տուն երկնային։ (2)

3. Շուտով կգաս Դու լույս ամպերով,

Հրեշտակների, սուրբերի բանակով,

Կտաս հագուստներ ձյունից էլ ճերմակ,

Որ Քեզ հետ մտնենք երկնային քաղաք։

Ուրախություն է Քեզ հետ քայլելը,

Երանություն է Քեզ հետ ապրելը,

Հիսուս Արքա՛, պատրաստիր Քո հարսին,

Որ տանես նրան տուն երկնային։ (2)

[end:song]

[start:song]

67

1. Ո՜վ Հիսուս, ինձ մոտ արի,

Միշտ իմ առջևից քայլիր,

Ա՛ռ թևիդ տակ ամեն ժամ,

Իմ լավագույն Բարեկամ:

Որքա՜ն ծարավ եմ ես Քեզ,

Ի՜նչ անուշ է դեմքդ հեզ,

Աղաչում եմ Քեզ, Փրկիչ,

Առաջնորդիր ինձ ընդմիշտ։

2. Սրտիս դուռը չեմ բանա,

Ոչ ոքի էլ տեղ չկա,

Միայն Քո ներկայություն,

Ահա՝ իմ վառ ցանկություն։

Որքա՜ն ծարավ եմ ես Քեզ,

Ի՜նչ անուշ է դեմքդ հեզ,

Աղաչում եմ Քեզ, Փրկիչ,

Առաջնորդիր ինձ ընդմիշտ։

3. Միայն Քեզ եմ անվանում

Առաջնորդ ամեն բանում,

Տիրի՛ր սրտիս լիովին,

Խաչյալ Քրիստոս, Տեր անգին։

Որքա՜ն ծարավ եմ ես Քեզ,

Ի՜նչ անուշ է դեմքդ հեզ,

Աղաչում եմ Քեզ, Փրկիչ,

Առաջնորդիր ինձ ընդմիշտ։

[end:song]

[start:song]

446

Ի՜նչ մեծ ու հրաշալի են Քո գործերը, Տե՛ր,

Փառքովդ է լցված երկիրը։

Արդար ու ճշմարիտ են ուղիները Քո,

Սուրբ Թագավոր։

Ո՞վ չի վախենա ու չի փառաբանի Քեզ,

Միայն Դու ես սուրբ,

Ողջ ազգերը կխոնարհվեն Քո առջև,

Տե՜ր Հիսուս, միայն Դու ես սուրբ։

Սուրբ ես, սուրբ ես, միայն Դու ես սուրբ,

Սուրբ ես, սուրբ ես,

Տեր Հիսո՛ւս, միայն Դու ես սուրբ։ 2

Սեր ես, սեր ես, միայն Դու ես սեր:

Սեր ես, սեր ես,

Տեր Հիսո՛ւս, միայն Դու ես սեր:

[end:song]