[start:song]
1.Ըսե՛ք, որո՞ւ երթամ, երբ հոգիս տրտում է,
Ըսե՛ք, որո՞ւ երթամ, երբ սիրտս կոտրած է,
Սփոփավայր ո՞ւր կրնամ ես
Գտնել այս խեղճ կյանքիս համար,
Ուրախություն ինչպե՞ս գտնել,
Երբ մութ, անգութ է այս աշխարհ։
Հիսուս կրնա միայն
Արյամբ Իր պատվական
Ջնջել, ներել համայն
Մեղքերդ ադամական:
Գնա՛ հավատալով,
Գնա՛ վստահելով,
Կընդունե քեզ այսօր
Եվ կընե կյանքդ նոր։
2.Որո՞ւ դիմեմ արդյոք, երբ մեղքը զիս ընկճե,
Որո՞ւ դիմեմ արդյոք, երբ խիղճս զիս տանջե,
Ո՞վ պիտ ինծի տա թողություն,
Արդարություն և սրբություն,
Ո՞վ պիտ փշրե մեղաց կապերս
Եվ ազատե մեծ ոսոխեն։
Հիսուս կրնա միայն
Արյամբ Իր պատվական
Ջնջել, ներել համայն
Մեղքերդ ադամական:
Գնա՛ հավատալով,
Գնա՛ վստահելով,
Կընդունե քեզ այսօր
Եվ կընե կյանքդ նոր։
3.Ըսե՛ք, որո՞ւ երթամ, երբ վշտեր զիս պատեն,
Ըսե՛ք, որո՞ւ երթամ, երբ փշեր զիս խոցեն,
Ո՞վ պիտ լսե սրտիս զարկը,
Ո՞վ պիտ զգա հոգւոյս ցավը,
Ո՞վ պիտ ըլլա ինծի ընկեր,
Ժպիտ, արև, և լույս, և սեր։
Հիսուս կրնա միայն
Արյամբ Իր պատվական
Ջնջել, ներել համայն
Մեղքերդ ադամական:
Գնա՛ հավատալով,
Գնա՛ վստահելով,
Կընդունե քեզ այսօր
Եվ կընե կյանքդ նոր։
[end:song]
[start:song]
1. Եկե՛ք աղոթենք ծնկների վրա,
Տիրոջ հետքերով սուրբ լեռը ելնենք,
Եկե՛ք նորոգենք սեղանը զոհի,
Խնկաբույր կյանքն է Աստծուն հաճելի։
Ծնկների վրա երկինքն է բացվում,
Անձրև է տեղում, օրհնություն իջնում,
Ծնկների վրա հավատքն է ծաղկում,
Լեռները փլվում, ծովերը՝ ճեղքվում։
2. Եկե՛ք աղոթենք ծնկների վրա,
Բացենք լուսամուտ դեպ Երուսաղեմ,
Թշնամու դավն է՝ աղոթք խափանել,
Դանիելներ են պետք, որ արթուն կանգնեն։
Ծնկների վրա, երբ մարդն է լռում,
Աստված է խոսում, Հոգին է իջնում,
Ծնկների վրա Տերն է հայտնվում,
Կանչում է, սրբում, օրհնում, նորոգում։
3. Եկե՛ք աղոթենք ծնկների վրա.
Սուրբերի պարտքն է՝ Հոգով աղոթել:
Միաբանության գաղտնիքն է միայն
Աղբյուրը սիրո, ջերմ եղբայրության։
Ծնկների վրա սերն է բողբոջում,
Սրտեր միանում, վերքերը բուժվում,
Ծնկների վրա հպարտն է զղջում,
Եղբորը ներում, ոտքեր լվանում։
4. Եկե՛ք աղոթենք ծնկների վրա,
Տիրոջ բանակն է այդպես զորանում,
Աստծո Խոսքն է մեզ միշտ զորացնում,
Թշնամու բերդը աղոթքն է քանդում։
Ծնկների վրա աղոթենք Հոգով.
Փլվում են, քանդվում բերդեր աղոթքով,
Ծնկների վրա չարն է պարտվում,
Հավատքն է հաղթում՝ Տիրոջ անունով։
5. Եկե՛ք աղոթենք ծնկների վրա.
Պատգամն է Տիրոջ վերջին օրերում,
Տիրոջ աչքերը ուզում են տեսնել
Աստծո մարդկանց՝ ծնկների վրա։
Ծնկների վրա երգենք ու գովենք,
Ծնկների վրա Հոգով աղոթենք,
Ծնկների վրա Սուրբ Հոգով լցվենք
Եվ ապրենք մի նոր սուրբ Պենտեկոստե։
[end:song]
[start:song]
1. Ո՜վ սուրբ Արարիչ, Քո եկեղեցում
Իմ թշվառ հոգուն կյանք ես պարգևում,
Քրիստոնյա եմ, արդ հոգիս է ցնծում,
Ամբողջ երկրի վրա իմ երգն է հնչում։
Երբ Քո մեջ եմ ես,
Իմ մեջ ես, Տե՛ր, Դու,
Երբ Քեզ հետ եմ ես,
Ինձ հետ ես, Տե՛ր, Դու։
2. Տեր Հիսուսը այս կյանքի պայքարում
Ամեն մի քայլում ինձ է ուղեկցում,
Իսկ ճանապարհին, թե հանկարծ հոգնեմ,
Այնժամ այս ծանոթ երգը կերգեմ։
Երբ Քո մեջ եմ ես,
Իմ մեջ ես, Տե՛ր, Դու,
Երբ Քեզ հետ եմ ես,
Ինձ հետ ես, Տե՛ր, Դու։
3. Երբ Քեզ համար, Տե՛ր, ինձ դատապարտեն,
Թեկուզ անծանոթ ափեր ուղարկեն,
Գիտեմ` այնտեղ էլ Քեզ կվայելեմ,
Հեռավոր երկրում այս երգը կերգեմ։
Երբ Քո մեջ եմ ես,
Իմ մեջ ես, Տե՛ր, Դու,
Երբ Քեզ հետ եմ ես,
Ինձ հետ ես, Տե՛ր, Դու։
4. Հիսուսն է իմ մեջ, ուրախ եմ որքան,
Ես՝ հոգով Նրան կապված հավիտյան,
Արդ քրիստոնյա եմ, մենակ չեմ կյանքում,
Ամբողջ երկրի վրա իմ երգն է հնչում։
[end:song]
[start:song]
1. Օրերը այս կարճ թռչում են արագ,
Կյանքն այս նման է մի թելի բարակ:
Կյանքն այս նման է նաև սափորի,
Որ չի կոտրվել մոտը աղբյուրի:
Փնտրի՛ր դու Հիսուսին,
Նա քեզ կհայտնվի,
Կանչի՛ր Նրա անունը,
Նա է քո Թագավորը:
Բերանիդ խոսքերը,
Սրտիդ խորհուրդները
Նա կընդունի այսօր:
2. Թե որ այս կյանքում շատ հոգսեր անես,
Հագնելու համար դու մտահոգվես,
Դաշտի շուշանը երբեք չի մանում,
Նայի՛ր, թե Աստված ինչպես է հագցնում:
Փնտրի՛ր դու Հիսուսին,
Նա քեզ կհայտնվի,
Կանչի՛ր Նրա անունը,
Նա է քո Թագավորը:
Բերանիդ խոսքերը,
Սրտիդ խորհուրդները
Նա կընդունի այսօր:
3. Միտք առե՛ք, մարդի՛կ, ո՛վ դուք անցորդներ,
Ինչո՞ւ են ձեզ պետք այդքան շատ բաներ,
Երկնքում այնքան շատ թռչուններ կան,
Չեն ցանում երբեք, չունեն շտեմարան:
Փնտրի՛ր դու Հիսուսին,
Նա քեզ կհայտնվի,
Կանչի՛ր Նրա անունը,
Նա է քո Թագավորը:
Բերանիդ խոսքերը,
Սրտիդ խորհուրդները
Նա կընդունի այսօր:
[end:song]
[start:song]
1. Մի՞թե գնում ես՝ Քրիստոսին չընդունած,
Որ խավարի մեջ դու քայլես,
Աստծո փրկությունը դու անարգած,
Շնորհքը Նրա չընդունած։
Մի՞թե գնում ես,
Մի՞թե հեռանում,
Մի՞թե գնում ես՝
Քրիստոսին մերժելով.
Մի՞թե գնում ես։
2. Մի՞թե գնում ես, բայց կարող ես հիմա
Հիսուս Քրիստոսին ընդունել,
Նա քեզ կլինի հավատարիմ եղբայր,
Թե սերը Նրա հասկանաս։
Մի՞թե գնում ես,
Մի՞թե հեռանում,
Մի՞թե գնում ես՝
Քրիստոսին մերժելով.
Մի՞թե գնում ես։
3. Հիսուս քեզ համար Իր կյանքը տվեց,
Որ քեզ խավարից ազատի
Եվ մի հրաշալի աղբյուր Նա բացեց,
Որով խիղճդ կմաքրվի։
Մի՞թե գնում ես,
Մի՞թե հեռանում,
Մի՞թե գնում ես՝
Քրիստոսին մերժելով.
Մի՞թե գնում ես։
[end:song]
[start:song]
1. Մեղքի համար մեռած եմ,
Մեղքի համար մեռած եմ,
Մեղքին մեռած լինելով`
Աստծո զավակ եմ:
Մեղքից ազատ եմ, (2)
Տիեզերքի Արարչի`
Իմ հոր ժառանգն եմ:
Հոգին է վկայում,
Հոգին է ազատում,
Խաչի ճանապարհով
Տերն է ինձ տանում:
Հոգին է վկայում,
Հոգին է ազատում,
Սիրո ճանապարհով
Ինձ առաջնորդում:
2. Օրենքի համար մեռա
Քրիստոսի մարմնով,
Քրիստոսի շնորհքով
Աստծո զավակ եմ:
Օրենքից ազատ եմ, (2)
Օրենքից ազատ`
Աստծո զավակ եմ:
Հոգին է վկայում,
Հոգին է ազատում,
Խաչի ճանապարհով
Տերն է ինձ տանում:
Հոգին է վկայում,
Հոգին է ազատում,
Սիրո ճանապարհով
Ինձ առաջնորդում:
3. Աշխարհի համար մեռա
Իմ Տիրոջ խաչով, (2)
Աշխարհին խաչված եմ:
Աստծուց ծնված եմ,
Աշխարհին կհաղթեմ,
Եվ հենց մեր հավատքն է,
Որ աշխարհին կհաղթե:
Հոգին է վկայում,
Հոգին է ազատում,
Խաչի ճանապարհով
Տերն է ինձ տանում:
Հոգին է վկայում,
Հոգին է ազատում,
Սիրո ճանապարհով
Ինձ առաջնորդում:
[end:song]