[start:song]
1. Օրհնված ջուրն է իջնում երկնքից
Անապատ ու չոր դաշտերի վրա, դաշտերի վրա:
Տիրոջ արյունն է սուրբ երակներից
Հոսում մեր բազում մեղքերի վրա, մեղքերի վրա:
Չոր անապատը պարտեզ է դառնում
Ու լցվում ծաղկանց անուշիկ բույրով,
Իսկ մենք, սրբված մեղքերից բազում,
Տիրոջ ոտքերն ենք թրջում արցունքով:
2. Երկնքից իջած Ջուրը Խոսքն է՝
Ուղարկված կյանքի և հոգու համար, և հոգու համար,
Իսկ Տիրոջ բացված խորը վերքերը
Բալասան են մեր վերքերին բացված:
[end:song]
[start:song]
1. Կհարցնեն մարդիկ հաճախ՝
Ո՞ւր է Անոր գալուստը,
Եվ անօրեն մարդկանց պատիժ՝
Արագահաս կորուստը։
«Ահա կուգամ,- կըսե Տերը,-
Պիտի նայեմ քու գործերդ,
Պիտի քննեմ սրտիդ սերը,
Աջ պիտ կանգնին Իմ գառները»։
2. Ինչպես օրերում սուրբ Նոյի,
Որ կաղաչեր մտնել տապան,
Նույնպես այսօր մեր օրերում,
Կկանչե մեզ Հիսուս Արքան։
Արդ կթակե սրտիդ դուռը,
Բա՛ց, որ մտնե Հիսուս Տերը,
Կմոռանաս Քու ցավերդ,
Կմոռանաս Քու վշտերդ։
3. Երբ որ հնչե փողը վերջին,
Պիտի իջնե Աստծո Որդին,
Իր մոտ տանե Իր սուրբերին,
Պիտի դատե ողջ աշխարհին։
Հիմա դատե՛ ինքզինքդ, տե՛ս,
Ապաշխարե՛, որ փրկվիս,
Դատաստանեն ազատ ըլլաս,
Հիսուսի հետ հավերժ ապրիս։
[end:song]
[start:song]
1. Մեկն ընթրիք սարքեց, կանչեց բոլորին.
- Պատրաստ է, կանչե՛ք հրավիրյալներին,
Կանչե՛ք խնջույքին, Իմ մեծ ընթրիքին,
Կանչեք բոլորին մեծ հարսանիքին:
2. - Ահա հրավերը, արի՛ խնջույքին,
Պատրաստ է, արի՛ մեծ հարսանիքին:
- Եզներ եմ առել, ուզում եմ փորձել,
Ես չեմ կարող գալ, շտապում եմ գնալ:
3. - Ահա հրավերը, արի՛ խնջույքին,
Պատրաստ է, արի՛ մեծ հարսանիքին:
- Ես կին եմ առել, դրա համար էլ
Ես չեմ կարող գալ, շտապում եմ գնալ:
4. - Ահա հրավերը, արի՛ խնջույքին,
Պատրաստ է, արի՛ մեծ հարսանիքին:
- Ես արտ եմ առել, բայց դեռ չեմ տեսել,
Շտապում եմ գնալ, ես չեմ կարող գալ:
5. Հիմա դո՛ւրս եկեք փողոցներն իսկույն,
Եվ տեսեք՝ ո՞վ կա թշվառ ու անտուն,
Կանչե՛ք բոլորին, խեղանդամներին,
Կույր ու կաղերին և աղքատներին:
6. Այսօր է ժամը, ժամը փրկության,
Կանչում է այսօր Քո Փրկիչ Արքան,
Շուտ թող ամեն բան՝ թե՛ արտ և թե՛ կին,
Թե՛ եզ, թե՛ աշխարհ. ուղղիր քո ճամփան:
[end:song]
[start:song]
1. Քրիստոս թագավոր է սիրո, զորության,
Ճշմարտության շնորհքով օժտված հավիտյան,
Լի գութով պատրաստ է օգնելու հոժար,
Ուխտել էր Իր Հորը՝ փրկել մարդկության։
Մորթված Գառնուկը հաղթեց աշխարհին (3),
Աստծո Քրիստոսը՝ մեղքին ու մահին։
2. Սատանան սոսկում է, սարսափած փախչում,
Դևերը շփոթված՝ ահից զարհուրում,
Անհավատությունից դժոխքն է լցված,
Դատաստանի ահից տագնապի մատնված:
Ալելուիա՜, հաղթե՛ց Քրիստոսը մահին (3),
Ալելուիա՜, հաղթեց ցուրտ գերեզմանին:
3. Քնած մեղավորներ, ի՞նչ եք մտածում,
Տեսեք, թե աշխարհը ո՞ւր է ձեզ տանում,
Անհոգությունից էլ շատերը կորան
Եվ ունայն աշխարհից ոչինչ չտարան։
Ապաշխարե՛ք շուտով, շնորհք ստացեք, (3)
Ապաշխարե՛ք իսկույն, Տիրոջ մոտեցեք:
3. Մեր Տերը գալու է շուտով ամպերով,
Լուսո հրեշտակներով, սրբոց բանակով,
Աշխարհը կլցնի արդարությունով,
Կդատի ազգերը՝ ճշմարտությունով։
Ալելուիա՜, հաղթե՛ց Քրիստոսը մահին, (3)
Ալելուիա՜, հաղթեց ցուրտ գերեզմանին։
[end:song]
[start:song]
1. Ո՜վ Տեր Աստված, միշտ եղիր մեզ օգնական,
Լվա՛ մեզ միշտ լիովին Քո սուրբ արյամբ,
Լուսավորիր Քո սիրով մեր հոգին,
Որ դառնանք Քեզ, որ դառնանք Քեզ, միշտ սուրբ լինենք։
Ալելուիա՜, Հզոր Աստված,
Ալելուիա՜, օրհնյալ Աստված,
Ալելուիա՜, ալելուիա՜, Տեր Աստված,
Ալելուիա՜, ալելուիա՜, սուրբ Աստված։
2. Ուղարկեցիր սիրելի, միակ Որդուդ,
Սուրբ կյանք ապրեց երկրի վրա Քո կամքով,
Գողգոթայի խաչը ելավ, չարչարվեց Նա
Եվ սրբեց մեզ, և սրբեց մեզ Իր սուրբ արյամբ:
Ալելուիա՜, Հզոր Աստված,
Ալելուիա՜, օրհնյալ Աստված,
Ալելուիա՜, ալելուիա՜, Տեր Աստված,
Ալելուիա՜, ալելուիա՜, սուրբ Աստված։
3. Իմ եղբայրնե՛ր և իմ քույրե՛ր, Իրեն նայենք,
Մեր մեղքերով Տեր Հիսուսին չվշտացնենք,
Ապրենք, քայլենք, գործենք, խոսենք միայն սիրով,
Հաղթենք չարին, հաղթենք չարին Տեր Հիսուսով։
Ալելուիա՜, Հզոր Աստված,
Ալելուիա՜, օրհնյալ Աստված,
Ալելուիա՜, ալելուիա՜, Տեր Աստված,
Ալելուիա՜, ալելուիա՜, սուրբ Աստված։
[end:song]
[start:song]
«Ո՜վ դուք ծարավներ, եկե՛ք ջրի մոտ,
Դուք, որ փող չունեք, եկեք ու առեք
Առանց վճարի, հանց գինի ու կաթ,
Ինձանից խնդրեք, բարիք ստացեք։
Ջուր պիտի թափեմ ծարավի վրա,
Ինչպես անձրևը՝ չորության վրա,
Հոգիս պիտ թափեմ ամենքի վրա,
Իմ օրհնությունները՝ սերունդիդ վրա:
Օ՜, ալելուիա՜, (4)
Հոգիս պիտ թափեմ ամենքի վրա,
Իմ օրհնությունները՝ սերունդիդ վրա»։ (2)
Սա Հովելի մարգարեությունն է,
Որ այս օրերում այն կատարվում է,
Եվ Երեմիային տված խոստումն է՝
Նոր ուխտի խոսքը, որ հաստատվում է։
Տաճարում կանգնած` Տերն աղաղակեց.
«Նա, ով ծարավ է, թող որ Ինձ մոտ գա,
Ինձ հավատացողից, ինչպես որ գրվեց,
Կենդանի ջրի աղբյուր կբխի»։
Օ՜, ալելուիա՜, (4)
Հոգիս պիտ թափեմ ամենքի վրա,
Իմ օրհնությունները՝ սերունդիդ վրա»։ (2)
[end:song]