Enter Song Lyrics

ՀԵ 126, Էլմ. 714, Մարկ.10։46,52

1. «Ողորմե՜ ինձ, ողորմե՜ ինձ,

Ո՜վ Որդի Դավթի, Քրիստո՛ս»,-

Այսպես կաղաչեր ճամփուն վրա

Կույր, աղքատ Բարտիմեոս։

2. «Լո՛ւռ կեցիր»,- ըսին շատերը,

Սակայն ան աղաղակեց

Անհամբեր, մինչև որ Տերը

Զինք գութով իրեն կանչեց։

3. Չէր արծաթ անոր խնդրածը,

Թեպետ սովոր էր մուրալ,

Դավիթի Որդւոյն տվածը

Չէր կարող ուրիշ մը տալ։

4. «Տե՛ր, վերցո՛ւր այս կուրությունը,

Թող աչքերս բացվին»,- ըսավ։

Շուտ տեսավ իսկույն և ինքը

Հիսուսի ետևն ընկավ։

5. Որչա՜փ սիրտն հիմա լեցուն է,

Ամենուն ալ կխոսի,

Այս ողորմությունն անհուն է,

Ի՜նչ Փրկիչ զարմանալի։

6. Երանի՜ թե Անոր քովը

Կույրերուն ամենը գար,

Ինք, անշուշտ, անչափ շնորհքովը

Շուտ անոնց տեսնել կուտար։

Նոտաները

[end:song]

[start:song]

1. Ամենօրյա Իր լույսին հետ,

Ծագող պայծառ արևուն հետ,

Աստված Իր սերը մեզ կհայտնե

Ու փրկության կհրավիրե։

Լայն բա՛ց սիրտդ շնորհքին առջև,

Որ ներսիդիդ ծագի արև։

2. Ամենօրյա օդի նման,

Կարեկցությամբ մը աննման,

Իր կենարար շնորհքով վսեմ

Կողողե մեզ ջինջ երկնքեն։

Լայն բա՛ց սիրտդ խոսքին առջև,

Որ մաքրվի ամեն բան սև։

3. Արագավազ ջուրերուն հետ,

Խռովահույզ օրերուն մեջ

Շնորհաց աղբյուր պիտի հոսի

Բարձր խաչեն Գողգոթայի։

Լայն բա՛ց սիրտդ խաչին ներքև,

Որ ստանաս դուն Իր պարգև։

[end:song]

[start:song]

Արթնացա մի օր Քո իսկ պարգևած արևի շողից

Ու հանդիպեցի ինձ մահի տանող ահեղ փորձության,

Բայց բարի սիրտդ, հոգատար ձեռքդ խղճաց ինձ վերից

Եվ փայփայելով ու մեղմ շոյելով` տարավ փրկության:

Այդքանից հետո էլ ո՞ւր գնամ ես, Հա՛յր իմ գթառատ,

Եվ արցունքներով ինչպե՞ս չլվամ վերքը ոտքերիդ,

Աղաչում եմ Քեզ, ինձ մի՛ թույլատրիր կյանք շքեղ, առատ,

Թե չէ մարմինս նորից կդառնա տաճար կուռքերի: (2)

Այդ օրից ի վեր մի փափագ ունեմ, Փրկի՛չ, սիրելի՛ս,

Հասնեմ Գողգոթա, ծնկաչոք փարվեմ ոտքերիդ գամված

Հայացքս ուղղեմ տառապած դեմքիդ, Հիսո՛ւս, սիրելի՛ս,

Ու Քո մեջ տեսնեմ նվաստիս անձը՝ մեղքից ազատված:

Այդքանից հետո էլ ո՞ւր գնամ ես, Հա՛յր իմ գթառատ,

Եվ արցունքներով ինչպե՞ս չլվամ վերքը ոտքերիդ,

Աղաչում եմ Քեզ, ինձ մի՛ թույլատրիր կյանք շքեղ, առատ,

Թե չէ մարմինս նորից կդառնա տաճար կուռքերի: (2)

Եվ ահա կրկին Քո առջև գալով` թույլ ու անկարող,

Կուզեմ ամեն օր իմ աղաչանքը Քեզ հայտնի լինի:

Հավատք ու սեր եմ խնդրում Քեզանից, Ամենակարո՛ղ,

Որ չմոռանամ արյանդ գործը, Հիսո՛ւս պաշտելի: (2)

Այդքանից հետո էլ ո՞ւր գնամ ես, Հա՛յր իմ գթառատ,

Եվ արցունքներով ինչպե՞ս չլվամ վերքը ոտքերիդ,

Աղաչում եմ Քեզ, ինձ մի՛ թույլատրիր կյանք շքեղ, առատ,

Թե չէ մարմինս նորից կդառնա տաճար կուռքերի: (2)

[end:song]

[start:song]

1. Սրտանց գոհություն զորության Աստծուն,

Աչքաթող չարեց ապերախտ մարդուն,

Աշխարհ ուղարկեց Իր միակ Որդուն,

Սրտանց գոհություն մեր սիրո Աստծուն։

Սրտանց գոհություն մեր Տեր Հիսուսին,

Որ սարն էր ելնում խաչը Իր ուսին,

Այդ մեր մեղքերն էր տանում Իր ուսին,

Սրտանց գոհություն մեր կյանքի Հույսին։

2. Սրտանց գոհություն Աստծո Որդուն,

Որ անչափ սիրեց մեղավոր մարդուն,

Մեղավոր էինք, գտանք թողություն,

Սրտանց գոհություն, մեր Կյանք, Սրբություն։

Սրտանց գոհություն մեր Տեր Հիսուսին,

Որ սարն էր ելնում խաչը Իր ուսին,

Այդ մեր մեղքերն էր տանում Իր ուսին,

Սրտանց գոհություն մեր կյանքի Հույսին։

3. Սրտանց գոհություն Աստծո Որդուն,

Կյանքն Իրենով է, կտա թողություն,

Կենդանի ջուր է ծարավ սրտերին,

Սրտանց գոհություն խաչյալ Հիսուսին:

Սրտանց գոհություն մեր Տեր Հիսուսին,

Որ սարն էր ելնում խաչը Իր ուսին,

Այդ մեր մեղքերն էր տանում Իր ուսին,

Սրտանց գոհություն մեր կյանքի Հույսին։

[end:song]

[start:song]

1. Խոսքերդ վառ լույս են իմ ճամփին,

Ամեն օր կնորոգեն իմ հոգին,

Դեղ են թանկ, որ պետք են աչքերիս,

Ճերմակ հանդերձ, որ ծածկույթ է մեղքերիս։

Սուրբ Հոգի ազատության,

Կառաջնորդես դեպի նոր կյանք սրբության։

Սուրբ Հոգի ուրախության,

Կառաջնորդես դեպի նոր կյանք սրբության։

2. Բարի՛ Հովիվ, իմ սրբությո՛ւն, իմ փրկությո՛ւն,

Ջրի վտակ՝ չորացած իմ կյանքում,

Ծաղկեցնող՝ ամայի սիրտը իմ,

Կսիրես ինձ, կներես, Փրկի՛չ անգին։

Սուրբ Հոգի ազատության,

Կառաջնորդես դեպի նոր կյանք սրբության։

Սուրբ Հոգի ուրախության,

Կառաջնորդես դեպի նոր կյանք սրբության։

3. Ոտքերիդ տակ դնեմ կյանքը իմ,

Մաքրի՛ր ինձ աղտերից հանց ոսկին,

Երբ անցնեմ կրակով հալոցքի,

Կաղաչեմ Քեզ, առաջնորդի՛ր, Սո՛ւրբ Հոգի։

Սուրբ Հոգի ազատության,

Կառաջնորդես դեպի նոր կյանք սրբության։

Սուրբ Հոգի ուրախության,

Կառաջնորդես դեպի նոր կյանք սրբության։

[end:song]

[start:song]

1. Գալիս եմ ներկայությանդ մեջ

Դեմ առ դեմ հանդիպելու

Խոնարհվում եմ գահիդ առջև

Շնորհքդ ընդունելու: 2

Սուրբ ես Հզոր

Արարիչ Տիրակալ:

2. Ծարավով ու կարոտած սրտով

Գալիս եմ Քեզ փարվելու,

Խոնարհվում եմ գահիդ առջև`

Շնորհդ ընդունելու:

Սուրբ ես Հզոր

Արարիչ Տիրակալ:

[end:song]

[start:song]

1. Ցնծա՛ հոգիս, ցնծա՛, Հիսուսն է գալիս,

Ցնծա՛ հոգիս, ցնծա՛, քեզ կյանք է տալիս,

Ցնծա՛ հոգիս, ցնծա՛, քո Տերն է գալիս,

Հողեղեն մարմնիդ նոր կյանք է տալիս:

2. Ցնծա՛ հոգիս, ցնծա՛, Հիսուսն է գալիս,

Ցնծալով` Իր հոտին ողջույն է տալիս:

Խնդրեցե՛ք միաձայն աշխարհի համար,

Չէ՞ որ արյունն հեղեց բոլորի համար:

3. Ցնծա՛ երկիր և քո մեջ բնակվողներ,

Ցնծացե՛ք, Հիսուսի տանջված գառնուկներ,

Ցնծալով երգեցեք, գնում ենք հավետ

Մեր հետևում թողած դժոխքն առհավետ:

4. Ցնծա՛ հոգիս, ցնծա՛, Հիսուսն է գալիս,

Բայց ամբարիշտները դարձի չեն գալիս,

Կխնդրեն լեռներին՝ ընկե՛ք մեզ վրա,

Բարկության այդ ժամին ո՞վ կդիմանա:

[end:song]