[start:song]
1. Թափառական հոգիս,
Դադրե՛. այս աշխարհիս
Մեկ բևեռեն մինչև ի մյուսն
Հանգիստ չկա քեզի։
2. Տե՛ս Աստծո տապան,
Նայե՛ այն բաց դռան,
Շուտով մտի՛ր, հոն բնակե՛,
Ունայն հույսերդ ձգե՛։
3. Հանգիստ պիտի ըլլաս
Եվ շատ ուրախանաս,
Ամեն երջանկությամբ լեցվիս,
Տէրոջմով փրկվիս։
4. Ո՜վ անհանգիստ հոգիս,
Դադրե՛. այս աշխարհիս
Մեկ բևեռեն մինչև ի մյուսն
Հանգիստ չկա քեզի։
[end:song]
[start:song]
1. Դուք գիտե՞ք, թե հիմա ում եմ ես շատ սիրում,
Դուք գիտե՞ք, թե հիմա ում եմ ես աղոթում:
Ես ունեմ Տեր Հիսուս, մեծ Փրկիչ ինձ համար
Եվ հոգով պատրաստ եմ սիրտս տալու Նրան։
Տեր Հիսո՜ւս, Տեր Հիսո՜ւս,
Աղաչում եմ, Փրկի՛չ,
Ինձ էլ ա՛ռ թևիդ տակ,
Խնդրում եմ, ողորմի՜ր։
2. Թողել եմ ես բոլոր աշխարհիկ գործերը,
Իմ առջև բացվել են հոգևոր դռները։
Ով փնտրի՝ կգտնի, թե սրտով ցանկանա,
Թակողին կբացվի, թե հոգով կամենա։
Տեր Հիսո՜ւս, Տեր Հիսո՜ւս,
Աղաչում եմ, Փրկի՛չ,
Ինձ էլ ա՛ռ թևիդ տակ,
Խնդրում եմ, ողորմի՜ր։
3. Ուր էլ որ մենք լինենք, Տերը մեզ կտեսնի,
Ինչ էլ որ մենք խոսենք, Հիսուսը կլսի,
Իսկ եթե սխալվենք ու շեղվենք Իր ճամփից,
Հավատքով աղոթենք՝ ներում կպարգևի։
Տեր Հիսո՜ւս, Տեր Հիսո՜ւս,
Աղաչում եմ, Փրկի՛չ,
Ինձ էլ ա՛ռ թևիդ տակ,
Խնդրում եմ, ողորմի՜ր։
[end:song]
[start:song]
598
1. Տե՜ր Հիսուս, արի՛, Փրկիչ աշխարհի,
Դու ես հավերժ սիրո աղբյուր,
Դու` ճշմարիտ կյանք, մեր Հովիվ բարի,
Հաց հանապազօր այսօր տուր:
Աղաչում եմ, Հիսո՜ւս, արի՛,
Քո Սուրբ Հոգով մխիթարի՜ր,
Մեր սրտերում թագավորի՛ր,
Արի՜, արի՜:
2. Տեր Հիսուս սեր է, Նա մեզ սիրում է,
Ճշմարիտ լույսը Նա է,
Լույս տվեց Նա մեր սրտերին խավար,
Դարձել է մեր կյանքի արև:
Աղաչում եմ, Հիսո՜ւս, արի՛,
Քո Սուրբ Հոգով մխիթարի՜ր,
Մեր սրտերում թագավորի՛ր,
Արի՜, արի՜:
3. Փա՜ռք Տեր Հիսուսին` աշխարհի լույսին՝
Անսահման մեծ սիրո համար,
Սիրո կամուրջն է Նա մեր փրկության,
Նրանով քայլենք անվարան:
Աղաչում եմ, Հիսո՜ւս, արի՛,
Քո Սուրբ Հոգով մխիթարի՜ր,
Մեր սրտերում թագավորի՛ր,
Արի՜, արի՜:
[end:song]
[start:song]
1. Ո՜վ Քրիստոս, լույս աշխարհի,
Դու մեր կյանք հավերժական,
Ստեղծիչը երկնի, երկրի,
Եվ մեր հույսը հանգստյան:
Երեսիդ լույսով քայլում ենք դեպ Քեզ՝
Գովաբանելով Քո վեհ շնորհքի համար,
Դու ես իմ Տերը, սրբություն սերը,
Դու ես իմ Փրկիչն ու Արարիչը:
2. Ո՜վ Աստված ողորմության,
Պարգևիչ Դու բարության,
Լսի՛ր այս իմ աղոթքը,
Թող տրվի Քեզ ողջ փառքը:
Երեսիդ լույսով քայլում ենք դեպ Քեզ՝
Գովաբանելով Քո վեհ շնորհքի համար,
Դու ես իմ Տերը, սրբություն սերը,
Դու ես իմ Փրկիչն ու Արարիչը:
[end:song]
[start:song]
1. Իմ տխրության ժամին,
Երբ խավար է միտքս,
Փորձության պահերին,
Երբ տրտում է սիրտս,
Ծնկելու եմ գնում
Փրկչիս ոտքերի մոտ,
Ոտքերն եմ համբուրում,
Որ էլ չզգամ կարոտ։
2. Երբ դժվարության մեջ
Արցունքն է ինձ խեղդում,
Շփոթվում եմ անվերջ
Եվ ելքը չեմ գտնում,
Նորից եմ ես գնում
Փրկչիս ոտքերի մոտ,
Ոտքերն եմ համբուրում,
Որ էլ չզգամ կարոտ։
3. Բայց գիտեմ ես Մեկին՝
Հավասարը չունի.
Սիրում է ամենքին
Հարուցյալ Հիսուսն իմ։
Ես Նրան եմ գնում
Բոլոր ցավերիս մեջ
Եվ հանգիստ եմ գտնում
Մշտական և անվերջ։
[end:song]
[start:song]
1. Փրկչին եկե՛ք, ո՜հ, մի՛ ուշանաք,
Բաց է ճամփան, սուղ է ժամանակ։
Մեր մէջ կանգնած` ձայնով քաղցրալուր
Կ’ըսէ. - «Ինծի եկո՛ւր»։
Օ՜, ի՜նչ քաղցր պիտի ըլլայ հըրճուանք,
Երբ, Փրկիչ, Քեզի հետ միանանք
Եվ վայելենք դեմքիդ լոյսն անշէջ
Մեր երկնային տան մէջ։
2. Ան Իր հրաւերն կուղղէ ամենուն,
Իր գութն անբաւ է և սէրն՝ անհուն։
Զայն մեր ընտրեալ Փրկիչն անուանենք,
Մի՛ վարանիք, եկէ՛ք։
Օ՜, ի՜նչ քաղցր պիտի ըլլայ հըրճուանք,
Երբ, Փրկիչ, Քեզի հետ միանանք
Եվ վայելենք դեմքիդ լոյսն անշէջ
Մեր երկնային տան մէջ։
3. Նա մեր մօտն է այսօր մանաւանդ,
Անսանք ձայնին, ըլլանք հնազանդ։
Մենք ալ կրկնենք հրաւերն սիրալուր,
Տէրն կը կանչէ. «Եկո՛ւր»։
Օ՜, ի՜նչ քաղցր պիտի ըլլայ հըրճուանք,
Երբ, Փրկիչ, Քեզի հետ միանանք
Եվ վայելենք դեմքիդ լոյսն անշէջ
Մեր երկնային տան մէջ։
[end:song]