Enter Song Lyrics

549

1. Ապրելով այս մեղքի աշխարհում՝

Եղել եմ Հիսուսից շատ հեռու,

Բայց Տիրոջ սերը մեծ

Ինձ մեղքից ազատեց,

Խաղաղություն տվեց հավիտյան։

2. Ո՜վ հոգի, դու փնտրի՛ր Հիսուսին,

Երբ փնտրես, կգտնես անպայման,

Ու տրվի՛ր դու Նրան

Քո ամբողջ էությամբ,

Ողջ մտքով ու սրտով հավիտյան։

3. Ալելուիա՜ կերգեմ Քեզ, Փրկիչ,

Ու սաղմոսներ կասեմ քնարով:

Եվ իմ սիրտը ես Քեզ

Նվիրեմ լիովին

Ու իմ հոգին, որ Դու փրկեցիր։

[end:song]

[start:song]

416

1. Քեզ տեսա, որ խաչվեցիր ինձ համար,

Քեզ տեսա, որ արյունդ թափեցիր ինձ համար,

Տանջվեցիր իմ բազում մեղքերի համար,

Սրբեցիր արյունովդ ինձ հավիտյան։

Հիսո՛ւս, ե՞րբ պիտի վերադառնաս,

Հիսո՛ւս, Քո գառներն ենք մոլորված,

Ե՞րբ պիտի հավաքես մեզ Քո գրկում

Ու փրկես մեզ այս փուչ աշխարհից։

2. Դու եկար, և Քո կյանքը տվեցիր մեզ,

Ժպիտդ խավարի մեջ լույս տվեց մեզ,

Գրկեցիր Քո խոցված ձեռքերով Դու մեզ,

Շնորհեցիր հավիտենական կյանքը մեզ:

Հիսո՛ւս, ե՞րբ պիտի վերադառնաս,

Հիսո՛ւս, Քո գառներն ենք մոլորված,

Ե՞րբ պիտի հավաքես մեզ Քո գրկում

Ու փրկես մեզ այս փուչ աշխարհից։

[end:song]

[start:song]

33

1. Ուրախացի՛ր, օրհներգ հյուսի՛ր,

Երգի՛ր սերը սուրբ Հիսուսի,

Նա փրկեց մեզ, սրբեց մեղքից,

Հոգիս, երգի՛ր,

Ինչքա՜ն մեծ է սերն Հիսուսի:

2. Անմիտ էի ու անառակ,

Բայց հոր նման սիրեց Նա ինձ

Ու ինձ ներեց մեղքերս համակ,

Հոգիս, երգի՛ր,

Ի՜նչ անհուն է սերն Հիսուսի:

3. Դժոխքն էլ ինձ թե պաշարի,

Կփրկե ինձ փարոսն հույսի,

Կտանի ինձ Նա սուրբ երկինք,

Հոգիս, երգի՛ր,

Ի՜նչ կարող է սերն Հիսուսի:

[end:song]

[start:song]

805

1. Օրերը այս կարճ թռչում են արագ,

Կյանքն այս նման է մի թելի բարակ:

Կյանքն այս նման է նաև սափորի,

Որ չի կոտրվել մոտը աղբյուրի:

Փնտրի՛ր դու Հիսուսին,

Նա քեզ կհայտնվի,

Կանչի՛ր Նրա անունը,

Նա է քո Թագավորը:

Բերանիդ խոսքերը,

Սրտիդ խորհուրդները

Նա կընդունի այսօր:

2. Թե որ այս կյանքում շատ հոգսեր անես,

Հագնելու համար դու մտահոգվես,

Դաշտի շուշանը երբեք չի մանում,

Նայի՛ր, թե Աստված ինչպես է հագցնում:

Փնտրի՛ր դու Հիսուսին,

Նա քեզ կհայտնվի,

Կանչի՛ր Նրա անունը,

Նա է քո Թագավորը:

Բերանիդ խոսքերը,

Սրտիդ խորհուրդները

Նա կընդունի այսօր:

3. Միտք առե՛ք, մարդի՛կ, ո՛վ դուք անցորդներ,

Ինչո՞ւ են ձեզ պետք այդքան շատ բաներ,

Երկնքում այնքան շատ թռչուններ կան,

Չեն ցանում երբեք, չունեն շտեմարան:

Փնտրի՛ր դու Հիսուսին,

Նա քեզ կհայտնվի,

Կանչի՛ր Նրա անունը,

Նա է քո Թագավորը:

Բերանիդ խոսքերը,

Սրտիդ խորհուրդները

Նա կընդունի այսօր:

[end:song]

[start:song]

384

1. Որդյա՛կ, գնա այգիս գործե,

Թող ճակատդ քրտնե,

Մինչ ցերեկ է, աշխատե,

Երջանիկ ըլլաս պիտի։

Ջա՛նք թափե մեջն այգիիս,

Վերջը կվարձատրվիս։

2. Միածինս ալ երկնքեն

Այս խավար աշխարհն իջավ,

Այգիիս մեջ վեհորեն

Նա Իր կյանք փրկանք տվավ։

Ջա՛նք թափե մեջն այգիիս,

Որ շատ հոգիներ շահիս։

3. Նախատեն երբ թշնամիք,

Դուն այսօր մի վշտանա,

Չերևնան այլ արգասիք,

Հավատքեդ մի՛ թուլանա։

Ջա՛նք թափե մեջն այգիիս,

Որ պսակ դու ընդունիս։

4. Որդյա՛կ, գնա այգիս գործե,

Առիթդ մի՛ փախցնե,

Քա՛ջ եղիր, ժիր աշխատե՛,

Շուտ կանցնեն նեղություններ։

Ջա՛նք թափե մեջն այգիիս,

Հավիտյան պիտ օրհնվիս։

[end:song]

[start:song]

134

1. Ո՛վ իմ բարեկամ, գիտեմ` դու էլ ես

Որոնում մեկին, որ քեզ հասկանա,

Իմ և քո կողքին փնտրողներ շատ կան,

Բայց դեռ չեն գտել սերը իսկական։

Հիսուսի սերը (3) մեզ կյանք է տվել,

Ուստի հավատա, ո՛վ մարդ սիրելի,

Հիսուսն Իր սերը մեզ է տվել։

2. Որքան էլ փնտրես, իմ քույր կամ եղբայր,

Չկա աշխարհում հարազատ մի բան,

Հավատքի ճամփան, լույսը հիմնական

Հիսուսով լեցուն կյանքն է իսկական։

Հիսուսի սերը (3) մեզ կյանք է տվել,

Ուստի հավատա, ո՛վ մարդ սիրելի,

Հիսուսն Իր սերը մեզ է տվել։

3. Ուստի ե՛կ, եղբա՛յր, Հիսուսին դառնանք,

Հիսուսով լեցուն նոր կյանք ստանանք,

Աստված է կանչում, շտապենք մենք Նրան,

Հենց Աստված է սուրբ սերը իսկական։

Հիսուսի սերը (3) մեզ կյանք է տվել,

Ուստի հավատա, ո՛վ մարդ սիրելի,

Հիսուսն Իր սերը մեզ է տվել։

[end:song]