[start:song]
1. Իմ կյանքը տվեցի, արյունս հեղեցի,
Որ քո մեղքը թողվի, իմ անձը զոհեցի,
(Կյանքս տվեցի քեզ համար,
Իսկ դու՝ ի՞նչ Ինձ համար։ 2)
2. Լուսո երկնից եկա, Իմ փառաց աթոռից,
Ծառայի պես եղա, կրեցի նախատինք,
(Այս ամենը լոկ քեզ համար,
Իսկ դու՝ ի՞նչ Ինձ համար։ 2)
3. Կրեցի փշե պսակ, ցավ, տառապանք և ահ,
Խմեցի դառը բաժակ` հնազանդ մինչև ի մահ,
(Այս չարչարանքս էլ՝ քեզ համար,
Իսկ դու՝ ի՞նչ Ինձ համար։ 2)
4. Մեղքերիդ թողություն հիմա տալիս եմ քեզ,
Կյանք և երանություն, ձրի շնորհք առ քեզ,
(Այս ամենը քեզ եմ տալիս,
Դու էլ սիրտդ տուր Ինձ։ 2)
[end:song]
[start:song]
Էլմ. 485
1. Երբ մերժես շարունակ Տերոջ հրավերն անուշ,
Կուգա կետ մը, ուր ձայնն Սուրբ Հոգվոյն
Քեզ չըլլար լսելի ամբոխին մեջ մոլի,
Հաշվի առի՞ր (2) զայս դուն:
Հաշվեցի՞ր գինն ահեղ քո հոգվոյ կորստյան,
Հոգ չէ, թե շահիս աշխարհ համայն,
Ճիշտ հիմա, թերևս, դուն հասած ես այն կետին,
Կուզե՞ս հաշվել (2) մեծ գինն:
2. Փոխարեն հանդերձյալ առավոտյան պայծառ
Կարելի է ընտրել քեզ փայլուն,
Հաճույքներն մեղքի սին, որ մեկեն կանհետին,
Հաշվի առի՞ր (2) զայս դուն:
Հաշվեցի՞ր գինն ահեղ քո հոգվոյ կորստյան,
Հոգ չէ, թե շահիս աշխարհ համայն,
Ճիշտ հիմա, թերևս, դուն հասած ես այն կետին,
Կուզե՞ս հաշվել (2) մեծ գինն:
3. Քանի որ դուռն Անոր ողորմության է բաց
Եվ անհուն սերն ալ չէ սպառած,
Բժշկվիլ չե՞ս ուզեր, փսփսալով. «Ա՛ռ զիս, Տե՛ր,
Հաշվի առի (2) մեծ գինն»:
Հաշվեցի՞ր գինն ահեղ քո հոգվոյ կորստյան,
Հոգ չէ, թե շահիս աշխարհ համայն,
Ճիշտ հիմա, թերևս, դուն հասած ես այն կետին,
Կուզե՞ս հաշվել (2) մեծ գինն:
[end:song]
[start:song]
1. Մեր Տերը կգա շուտով ամպերով,
Չլինենք հիմար կույսերի նման,
Չլինենք անհոգ, չլինի հանկարծ՝
Մեր Տերը գալիս մեզ գտնի քնած։
Քանի դեռ ուշ չէ, (2)
Ապաշխարեցե՛ք,
Քանի դեռ ուշ չէ, (2)
Տերը ճանաչե՛ք։
2. Լսե՛ք դուք խոսքը Ավետարանի,
Լսե՛ք դուք խոսքը Աստծո բերանի.
Ո՜վ թշվառ մարդիկ, չար գործերն թողե՛ք,
Եկե՛ք Հիսուսին, փրկություն գտեք։
Քանի դեռ ուշ չէ, (2)
Ապաշխարեցե՛ք,
Քանի դեռ ուշ չէ, (2)
Տերը ճանաչե՛ք։
3. Ապաշխարեցե՛ք, Հիսուսին եկե՛ք,
Սրտերդ բացե՛ք ու խոստովանե՛ք։
Դառը զղջումով ներում կստանաք,
Թե չապաշխարեք՝ կորուստ կգնաք։
Քանի դեռ ուշ չէ, (2)
Ապաշխարեցե՛ք,
Քանի դեռ ուշ չէ, (2)
Տերը ճանաչե՛ք։
4. Չէ՞ որ աշխարհից ոչինչ չեք տանի,
Արթնացե՛ք շուտով, չմնաք գերի.
Չարն է գազազել, փրկություն գտե՛ք,
Քանի դեռ Աստծո դռները բաց են։
[end:song]
[start:song]
1. Հիսուսն է հույսը սրտերի
Կյանքում այս ծանր ու դաժան,
Որոնց Նա սրբեց մեղքերից,
Երբ խաչվեց անմեղ ու արդար։
Սուրբ Հայրը Որդուն միածին
Զոհեց մեր փրկության համար։
Անցա՜ն տասնյակ դարեր խավար,
Մինչ Նա թափեց արյունը սուրբ,
Արյամբ գնեց մի ժողովուրդ,
Դարձավ նրա հույսը անմար։
2. Ով ճանաչեց Հոր սերը սուրբ,
Տենչում է նա սիրել անվերջ,
Սիրել անգամ արցունքի մեջ,
Սիրել սիրով Հիսուսի սուրբ,
Հալածողին ու թշնամուն
Սիրել, ինչպես Հիսուսը սուրբ։
Անցա՜ն տասնյակ դարեր խավար,
Մինչ Նա թափեց արյունը սուրբ,
Արյամբ գնեց մի ժողովուրդ,
Դարձավ նրա հույսը անմար։
3. Թող պարծենա աշխարհը չար,
Ինքն իր աչքին թվա ուժեղ,
Քո դեմ միայն ծուխ է, մղեղ,
Քամուց քշված` անզոր, անկար:
Պարծենում եմ քեզնով Հիսուս (2):
Անցա՜ն տասնյակ դարեր խավար,
Մինչ Նա թափեց արյունը սուրբ,
Արյամբ գնեց մի ժողովուրդ,
Դարձավ նրա հույսը անմար։
4. Ո՞վ կարող է մեզ բաժանել
Օրհնյալ Փրկչի սիրուց անհուն,
Մեզ չի կարող մահն էլ զատել,
Եվ ոչ մի ուժ՝ այս մութ կյանքում։
Հիսուսն է մեր վահանն անբեկ,
Նա է հոգին մեր ամոքում։
Անցա՜ն տասնյակ դարեր խավար,
Մինչ Նա թափեց արյունը սուրբ,
Արյամբ գնեց մի ժողովուրդ,
Դարձավ նրա հույսը անմար։
[end:song]
[start:song]
1. Քո Սուրբ Հոգու աղբյուրներն են
Իմ անարժան սրտին տիրում,
Քո Սուրբ Հոգու սիրո լույսն է
Իմ մութ սիրտը լուսավորում։
Առանց սիրո Քո Սուրբ Հոգու
Ես կմնամ նորից անլույս,
Կմոլորվեմ՝ ինչպես կորած,
Թե Դու չգաս, ինձ չգտնես։
Այդ Քո մե՜ծ սերն ես
Տվել ինձ, Հիսո՛ւս,
Քո սիրո խոսքն ես
Ուղղել ինձ, Հիսո՛ւս։
2. Երբ թողնում եմ Քեզ, հեռանում
Ու Քո սուրբ սերը մոռանում,
Արցունքի մեջ հանկարծ տեսնում,
Որ Դու նորից ինձ ես սիրում։
Նայում ես ինձ նախկին սիրով,
Նախկին սիրող Քո հայացքով.
Նայում ես Դու ինձ վշտալից,
Թե մոռանամ ես Քեզ նորից:
Այդ Քո մե՜ծ սերն ես
Տվել ինձ, Հիսո՛ւս,
Քո սիրո խոսքն ես
Ուղղել ինձ, Հիսո՛ւս։
[end:song]
[start:song]
1. Մեղքի համար մեռած եմ,
Մեղքի համար մեռած եմ,
Մեղքին մեռած լինելով`
Աստծո զավակ եմ:
Մեղքից ազատ եմ, (2)
Տիեզերքի Արարչի`
Իմ հոր ժառանգն եմ:
Հոգին է վկայում,
Հոգին է ազատում,
Խաչի ճանապարհով
Տերն է ինձ տանում:
Հոգին է վկայում,
Հոգին է ազատում,
Սիրո ճանապարհով
Ինձ առաջնորդում:
2. Օրենքի համար մեռա
Քրիստոսի մարմնով,
Քրիստոսի շնորհքով
Աստծո զավակ եմ:
Օրենքից ազատ եմ, (2)
Օրենքից ազատ`
Աստծո զավակ եմ:
Հոգին է վկայում,
Հոգին է ազատում,
Խաչի ճանապարհով
Տերն է ինձ տանում:
Հոգին է վկայում,
Հոգին է ազատում,
Սիրո ճանապարհով
Ինձ առաջնորդում:
3. Աշխարհի համար մեռա
Իմ Տիրոջ խաչով, (2)
Աշխարհին խաչված եմ:
Աստծուց ծնված եմ,
Աշխարհին կհաղթեմ,
Եվ հենց մեր հավատքն է,
Որ աշխարհին կհաղթե:
Հոգին է վկայում,
Հոգին է ազատում,
Խաչի ճանապարհով
Տերն է ինձ տանում:
Հոգին է վկայում,
Հոգին է ազատում,
Սիրո ճանապարհով
Ինձ առաջնորդում:
[end:song]
[start:song]
1. Ինչքա՜ն բարի է Տերը,
Որ կրում է մեր բեռը,
Ամեն օր ու ամեն վայրկյան
Մեզ հետ քայլում է:
Ինչքան սիրով է Տերը,
Միշտ տեսնում ենք Իր սերը,
Ամեն օր ու ամեն վայրկյան
Նա մեզ սիրում է:
Ամեն ծունկ պիտ կրկնվի,
Ամեն լեզու դավանի՝
Քրիստոսն է միայն Տերը
Ու միակ Փրկիչ:
2. Նա է մարդկության հույսը,
Այս մութ աշխարհի լույսը,
Որ կբացի ու կփշրի
Ամեն կապանքներ:
Ո՞ւր է մահի խայթոցը՝
Մարդկության վերջակետը:
Փառք լինի Աստծո Որդուն,
Որ մեզ ազատեց:
Ազատեց Նա մեզ մահից,
Այս աշխարհի խավարից,
Ուրախություն, խաղաղություն
Բերեց մեր սրտին:
[end:song]