Enter Song Lyrics

970

1. Հոգիս ծարավ է Քեզ, Հիսու՛ս, քաղցր խոսքերիդ,

Պապակ հողի նման, իմ հո՛ւյս, անուշ նայվածքիդ,

Հենց հնչում է իմ ականջին Քո անունն հեռվից,

Իսկույն արևն է փայլում ինձ մութ ամպի տակից:

2. Աղվեսները որջեր ունեն, թռչունները՝ բույն,

Այս աշխարհում ես տեղ չունեմ գլուխս դնելու,

Բայց տուն ունեմ ես երկնքում, Տե՛ր Հիսուս, Քեզ մոտ,

Հոգնել եմ, Տե՛րս, առաջնորդի՛ր խոտավետ արոտ:

3. Վերև՝ դեպ երկինք է կանչում անհուն սերդ ինձ,

Սուրբ արյամբդ ես լվանում ինձ իմ մեղքերից,

Բայց փշոտ է երկնի ճամփան, տառապանքներով,

Օգնի՛ր, Տե՛րս, քայլեմ միայն ես Քո հետքերով:

4. Հառաչելուց ես հոգնել եմ, բժշկի՛ր ինձ, Տե՜ր,

Ամեն գիշեր ես լացում եմ, ինձ դարձի՛ր, իմ Տե՜ր,

Մահվան մեջ Քեզ հիշատակել, ո՛վ Հիսուս, չկա,

Գերեզմանում Քեզնից, իմ Տեր, ո՞վ պիտ գոհանա: